Кабакның моңарчы билгеле булмаган файдасы ачыкланган

2 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Быел кабагыгыз уңдымы? Аны көн саен ашагыз!

Диетологлар бу яшелчәне уникаль дип атый. Тыгыз кабык файдалы үзлекләрен ярты елга кадәр саклый ала. Өстәвенә, кабакны саклау өчен махсус шартлар да кирәкми.  

Әлеге культураның көтелмәгән файдасы турында News.ru басмасына диетолог, матурлык һәм сәламәтлек медицина үзәге баш табибы Римма Мойсенко сөйләгән. 

Кабак магний микроэлементы җитмәгәндә ярдәм итә икән. Россиядә яшәүче 80 процент кешенең организмында бу микроэлемент җитешми, ди табиб.

Моның төп сәбәбе – фастфуд, алкоголь, кызган һәм майлы ризыкларны күп куллану. Мондый туклану организмда – эчәклектә, җенес органнарында, тиредә шартлы-патоген микрофлора тудыра. Ә ул микроорганизмнар ни белән дә булса тукланырга тиеш. Алар организмны “талап” диярлек, витаминнар һәм микроэлементларны, шул исәптән магнийны да ашый, - диде Римма Мойсенко.

Магний җитешмәүнең икенче бер сәбәбе – хроник стресс булырга мөмкин. Стресс гормоннары кан тамырларын кыса, тынычлану өчен магнийны канга чыгара. Соңыннан микроэлементның артык өлеше бәвел белән чыга.

Магний җитмәгәндә кеше тиз ярсып китә, хәлсезләнә, буыннар, йөрәк-кан тамыры һәм ашкайнату системасында проблемалары башлана. Даими рәвештә кабак ашау бу элементның запасын туплый ала. Табиб әйтүенчә, көненә бер порция – 200-300 гр кабак җитә.

Магнийдан тыш, кабакта бик күп күләмдә А провитамины да бар. Провитамин тирене матурлый һәм шомарта, күз күремен яхшырта, иммунитетны ныгыта. Организм әлеге элементны үзләштерсен өчен кабакны башкачарак әзерләргә кирәк.

Кеше организмы А провитаминын терлек һәм үсемлек майлары белән бергә генә үзләштерә. Алардан башка ул “эшләми”, диде диетолог һәм гастроэнтеролог Нурия Дианова.

Эксперт әйтүенчә, кабактан иң яхшы ризык – сөт өсте һәм сөт белән әзерләнгән пюре-аш. Сөт майлары А провитамины белән реакциягә кереп аны үзләштерүне яхшырта. Шулай ук башка вариантны да кулланырга була. Кабактан әзерләнгән рагуга берничә аш кашыгы үсемлек мае салырга кирәк. Үсемлек майлары да яхшы тәэсир итә.

Шулай ук кабакта С В1, В2, РР, Е витаминнары да бар. Ул кальций, тимер, селен, кобальтка да бай. Шулай ук кабакның калорияләре дә әз, шуңа да аны диета тотканда, “разгрузочный” көннәрдә кулланалар. Азкалорияле бу ризык аппетитны киметә. Чөнки анда клетчатка һәм азык җепселләре күп, шулай ук матдәләр алмашын яхшырта.

Башка ризыклар кебек үк, кабакны да бар кешегә дә ашарга ярамый. Ашказаны-эчәк трактында ялкынсыну авырулары булган, үт куыгында һәм бөерләрендә таш утырган кешеләргә аны чи килеш ашарга ярамый. Кабакны артык күп ашаудан эч күбә. Диабетикларга да кабак белән артык мавыгырга киңәш ителми, чөнки ул кандагы шикәрне күтәрә.

Кабакның йомшагыннан тыш, аның төшләрен дә ашарга кирәк. Аларның составындагы файдалы матдәләр бөтен организмга уңай тәэсир итә. Алар тестостерон синтезында катнаша, мәни бизе эшчәнлеген җайга сала, йөрәк-кан тамыры системасын яхшырта, эректиль функциягә йогынты ясый.

  Без Инстаграмда

Фикерләр








Сорау-җавап

Нинди балалар истерикага ешрак бирелә?

Балаларда сөйләм үсеше тоткарлану һәм котыру өянәкләре бер-берсенә бәйле икәне күптән әйтелгән. Тик хәзер галимнәр моны статистик нәтиҗә белән раслады.

Сорау-җавап

Кыш көне кул тиресе корыганда һәм купшаклаганда нишләргә?

Салкын вакытта күп кешенең куллары корый. Яңгыр, кар, үзәккә үтәрлек җил һәм температура төшү аркасында кулларның нәфис тиресе купшаклый, яргалана, кайвакытта куллар ямьсез кызгылт яки зәңгәр төскә керә. Кыш көне кулларны ничек сакларга?

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла