Җомга көнне мөселманга нәрсә эшләргә ярамый? (Сорау-җавап)

9 Мая 2017

Укылган: 1132 тапкыр

Автор: Алмаз Биккол
Җомга көнне нинди гамәлләр кылырга, нинди гамәлләр кылудан тукталып торырга? Россия ислам институты гуманитар кафедрасының өлкән мөгаллиме, "Казан нуры" мәчете имам-хатыйбы Радик хәзрәт Зәбиров Интертат.ру электрон газетасына бу хакта сөйләде.

Җомга көне мөселман культурасында бәйрәм көннәреннән санала.

1. Рамазан аеннан башка, бүтән айларда тота торган нәфел уразасын тотарга ярамый.
 
2. Җомганы Аллаһ тәгалә мөселман өммәтенә генә биргән. Яһүдләргә шимбә, насараларда (христианнарда) якшәмбе, мөселманнарга җомга. Яһүдләргә, мәсәлән, шимбә көнне бөтен эшләрдән тыелырга кушкан. Ә мөселманнар өчен бу көн кайбер илләрдә ял көне, бәйрәм булса да, гел туктаусыз гыйбадәттә булу дөрес булмас.
 
3. Җомга көнне Аллаһ Тәгалә Адәмне (галәйһи ссәләм) туфрактан бар кылды. Бу вакыйганы искә алып, без кайдан, ничек, ни өчен бу дөньяга килүебезне онытмаска тиеш.
 
4. Җомга көнен Аллаһ Тәгалә хөрмәтләгән. Ятимнәрне, мескеннәрне, мохтаҗларны ихтирамсыз калдыру  тыелган.
 
5. Догасыз калдыру ярамый. Бу көндә бер махсус кыска вакыт бар, шул вакытта Аллаһ Тәгаләдән сорасаң, җавап бирә.
 
6. Җомга намазы вакытында сәүдә яисә башка гамәлләр белән мәшгуль булу тыелган.
 
7. Бу көнне салаватсыз уздырырга ярамый.
 
8. Җомга көнне кыямәт көне башланаячак. Шул сәбәпле бу көнне үлем турында искә алмау дөрес булмас.
 
9. Имам хөтбә сөйләгән вакытта икенче кешелэргә ишарә итәргә ярамый.
 


Фикерләр








Дин

Камил хәзрәт Сәмигуллин: Нинди хис соң ул мәхәббәт - 3

Мәхәббәт – Аллаһы Тәгаләнең кешеләргә җибәргән иң зур бүләге ул. Күңелләребезне әлеге хис белән тутырып, Ул безне үзенә тагын да якынайта. Аллаһы Тәгаләнең рәхим-шәфкате белән, кеше бу дөньяга яратырга һәм яратылырга дип килә. Мәхәббәт утында янмый торып, чын тормышны танып белү мөмкин түгел. Шуңа күрә Аллаһы Тәгалә хакына яратыгыз.

Дин

Камил хәзрәт Сәмигуллин: Нинди хис соң ул мәхәббәт?

Кешеләр гасырлар дәвамында мәхәббәт турында язса да, әлеге серле феномен тирәсендә кайнар бәхәсләр әле дә тынмый. Психологлар, шагыйрь һәм язучылар, физиологлар, фәлсәфәчеләр һәм кеше рухының башка инженерлары мәхәббәткә билгеләмә бирергә тырыша. Кайберләре бер-берсен тулыландыра, ә еш кына аларның фикерләре тамырдан аерылып тора. Мин дә Аллаһы Тәгалә тарафыннан кешегә бирелгән иң зур бүләк – ярату серен ачарга омтылыш ясап карарга булдым. Әйдәгез, мәхәббәт турында сөйләшик әле. Мөселманнарга хас, мәңгелек ярату хакында...

Дин

Камил Исхаков: "Мин – чын мөселманмын"

Болгар ислам академиясе президенты, Татарстан Республикасы Президенты ярдәмчесе, Казанның элеккеге мэры, РФ Президентының Ерак Көнчыгышта элеккеге вәкаләтле вәкиле һәм Ислам дуслыгы оешмасында РФнең даими вәкиле Камил Исхаков “Татар-информ” хәбәрчесе белән әңгәмәсендә үзенең исламга килү тарихын, Болгар ислам академиясе, “Рубин” командасы турында сөйләде.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла