Быел чын кыш кайчан киләчәк?

14 Ноября 2017

Укылган: 1229 тапкыр

Быелгы көз җылы булды. Ләкин шулай да кышкы матурлык сагындыра да башлады. Чын кышның кайчан киләчәге турында КФУның метереология, климатология һәм атмосфера экологиясе кафедрасы мөдире Юрий Переведенцев сөйләде. 

"Көнбатыш процессларына бәйле рәвештә быелгы көз җылы килде: безгә даими рәвештә Төньяк Атлантикадан циклоннар килә һәм температура күтәрелүенә китерә. Хәзер кыш алды һәм тәүлекнең уртача температурасы түбән булырга тиеш. Ләкин хәзерге вакытта температура югары", - дип сөйләде метереология, климатология һәм атмосфера экологиясе кафедрасы мөдире Юрий Переведенцев "Челнинские известия" газетасына. 

Тотрыклы кар катламы тәүлек температурасы минус  5 °С ка җиткәч ятачак. Гадәттә, бу 19-22 ноябрь көннәренә туры килә. Ләкин быел бер атнага тоткарлык булырга мөмкин. Россия Федерациясенең Гидрометеорология үзәге фаразлары буенча, һава температурасы 22 ноябрьгә кадәр нормадан 4 °С ка югары һәм Татарстан республикасы тулысынча шушы зонага туры килә. Шуңа күрә кинәт кенә суытуны көтәргә кирәкми. Моның өчен салкын арктик басымнар кирәк, - дип аңлата метеоролог. 

Россия Гидрометеорология үзәгенең фаразларына карганда, ноябрь аенда температура нормадан  0,5 °С ка югары, ә декабрьдә нормадан тайпылышлар булмаячак. 

«Челнинские известия» газетасы шулай ук, 13-19 ноябрь көннәрендә, төрле елларда төшерелгән фотолар тәкъдим итә. Бу фотоларга карап, 2011, 2012, 2013, 2014, 2015 һәм 2016 елларда әлеге көннәрдә һава торышы нинди булганын күзалларга була. 


16 ноябрь, 2011 ел. 


13 ноябрь, 2012 ел.


18 ноябрь, 2013 ел.


14 ноябрь, 2014 ел. 


13 ноябрь, 2015 ел.


19 ноябрь, 2016 ел. 

Фикерләр








БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла