Һәлакәткә юлыккан пилотның абыйсы: «Иртәгә иртүк рейска кузгалам диде»

8 Ноября 2017

Укылган: 663 тапкыр

6 ноябрь иртәсендә Свияжские холмы курорт шәһәренә юл тоткан вертолет Югары Ослан районының Кызыл сабанчы бакчачылык тирәсендә һәлакәткә юлыга. Пилот Константин Мурин шундук җан бирә. 

Фаҗига урынына килгән Максим Мурин – һәлак булган пилотның абыйсы, күз яшьләрен тыя алмый. “Кая исән калсын инде, вертолетның да бер исән җире юк бит” дип, такмаклый-такмаклый елый ул. Гаиләгә килгән кайгы турында ул, фаҗигадан соң бер-ике сәгать үткәч, яңалыклар чыгарылышыннан ишетә.


Соңгы тапкыр энесе белән Максим 5 ноябрь көнне кичтән сөйләшә.

–Иртәгә иртүк рейска китәм диде. – Күңеле көр иде, – ди ул “Татарстан 24” хәбәрчесенә.


Муриннар гаиләсендә Константин бердәнбер очучы түгел. Аларның әтиләре дә пилот булган. Костя исә, балачак хыялын тормышка ашыру өчен, әтисе сукмагыннан китә.

Һәлакәт очраган судно 6 кеше сыйдырышлы. Әмма фаҗига иртәсендә пилот анда үзе генә була. Вертолет егылып төшкәнче, ни булган, әлегә билгесез.

– Ни әйтергә дә белмим. Һава торышы да менә дигән бит. Иртән куе томан булган диләр. Белмим. Вертолетның очышка әзерлеген тикшереп чыгара торган махсус техника бар. Костя кереп утырган инде, да, бөтен җайланмасы эшләгәндер, утырган да очкан, – ди Максим Мурин.


Казан халыкара аэропортыннан иртәнге 7 тулганда чыгып киткән вертолет Самара өлкәсенә очарга тиеш була. Әмма ниндидер сәбәпләр аркасында, пилот курстан чыга. Капитан нигә маршрутыннан чыгып, Югары Ослан районында һәлакәткә очрый – монысы да сорау булып кала бирә.


Татарстан Республикасы Гражданнар оборонасы эшләре һәм гадәттән тыш хәлләр министрлыгының мәгълүмат бүлеге башлыгы Марат Рәхмәтуллин сүзләренчә, җир өслегенә зыян килмәгән.

Кызганычка, пилот һәлак булган. 80нче номерлы янгын сүндерү-коткару бүлеге вертолет калдыкларыннан үлгән пилот гәүдәсен алды, – дип хәбәр итә ул “Татарстан 24” каналына.


Вертолет егылып төшү буенча җинаять эше кузгатылган. Тикшерүчеләр барлык мөмкин булган версияләрне карый.

Болар: начар һава шартлары, вертолетның техник төгәлсезлеге, начар сыйфатлы бензин. Шулай ук пилотның үзе хаталану мөмкинлеге дә искәрмә түгел. 

Фикерләр








Хәвеф-хәтәр

Марий Элдагы юл фаҗигасендә һәлак булучыларның исемнәре билгеле булды: 15 кеше вафат

Марий Эл республикасы башлыгының иҗтимагый элемтәләр һәм мәгълүмат идарәсе микроавтобусның йөк автомобиле белән бәрелешүе нәтиҗәсендә һәлак булганнар исемлеген массакүләм мәгълүмат чаралары аша таратты.  

Хәвеф-хәтәр

"Йөз мең сум табыш алыр өчен миллион сумыннан колак каккан"

Казандагы чираттагы "пирамида" бөлде. Кертемчеләр офисы янында җыелды. Алар барысы да бер ел элек бер оешма белән килешү төзегән булалар. 

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла