"Әнисе чокып чыгарган": Сабыйның бер күзе урынына ясалма күз куйганнар

3 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
1 ноябрьдә Мәскәүдәге Гельмгольц исемендәге күз авырулары фәнни үзәгендә дүрт айлык Никитаның (исеме үзгәртелгән) ике күзенә берничә сәгать дәвамында операция ясаганнар. Сабыйның бер күзен кисәкләрдән җыйганнар, икенчесе урынына имплант - ясалма күз куйганнар. Бу турыда "Комсомольская правда" хәбәр итте. 

31 октябрьдә Никитаны Гадәттән тыш хәлләр министрлыгының махсус самолеты белән Хакасиядән Мәскәүгә китерәләр. Аны 26 октябрьдә үз анасы имгәткән. Ул ире хыянәт итә дип шашынганнан соң, үч алырга җыена. Вәхши хатын баласының күзләрен пычак белән чокып чыгара, диелә бу хәбәрдә.


"Балага операция ясадылар. Иң алдынгы технологияләр файдаланылды. Баланың бер күзен саклап кала алганнар. Аны кисәкләрдән җыеп ясаганнар", - дип сөйләгән Россия Сәламәтлек саклау министрлы Вероника Скворцованың матбугат сәркатибе Максим Радецкий.

Кызганычка каршы, баланың икенче күзен саклап кала алмаганнар. Аның урынына малайга ясалма күз - имплант куйганнар. Хәзер Никитаның хәле стабильләште, аның сәламәтлегенә куркыныч янамый. Киләчәктә бала гадәти тормыш итә алачак. Заманча имплантларны чын күздән аерып та булмый диярлек, диелә хәбәрдә.

Хәзер балага реабилитация курсы таләп ителә. Мәскәү клиникасында ул кимендә ике атна ятачак. Сабый янында үз әнисе юк. Аңа карата җинаять эше ачылган.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла