81 яшьлек карчыкны авылдашлары караңгы урманда ташлап киткән

4 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Ерак Себердәге Балман авылында яшәүче 81 яшьлек әбине караңгыда урман уртасында ташлап калдырганнар. Ул урман буйлап пычрак сукмактан, караңгыда өенә таба ун километр чамасы юл узган. Бу турыда НТВ каналы сөйләде. 

Әби район үзәгенә кибеткә барырга чыга. Карчыкның шушы сәяхәте аның соңгы көне була язган.

Пенсионер әби район үзәгенә бара торган автобус авылга кадәр кайтып җитми. Балманга бары тик трактор яки вездеходта гына барып була. Авыл халкы машиналы танышларын чакыртып кына өйләренә кайта. Бу юлы кеше бик күп булганга, әби машинага сыймый, аны калдырып китәләр. Авылдашлары үз эшләре белән ашыккандыр, мөгаен. Мобиль телефоны да булмаган карчыкка урын бирүче табылмый. Әби өчен борчылган булалар да, урман тирәсендә калдырып китәләр.

“Караңгы, берни күренми. Егылам. Аякларымда тонналап пычрак”, - дип сөйли әби.



Балыкчылар килеп чыкмаса, әби ничек кайтып җитәр иде, билгесез. Алар очраклы рәвештә генә Надежда Алексеевнаны күреп ала. Балыкчылар авыл җирлеге башлыгына шалтыратып әйтәләр. Шуннан соң гына әбине алырга машина җибәрәләр.

Әби күршеләренә үпкәләми, алар да шушы очракта калган бәхетсезләр, ди. Балман авылына юлны 2004 елдан бирле төзәтә алмыйлар икән. 
 
Балман авыл җирлеге администрациясе башлыгы Виталий Бойко бу хәлгә аңлатма биргән. "Безгә ел саен юл төзәтеләчәк дип вәгъдә бирәләр. Ләкин бу бик озак", - дигән ул. 
 
Хәзер юл төзү озакка сузылу сәбәпләрен прокурорлар ачыклаячак. Олы яшьтәге әби белән килеп чыккан хәлдән соң күзәтчелек ведомствосы тикшерү башлаган.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла