Баулыда үтерелгән кеше мәете тирес астында өч ай яткан

12 Октября 2017

Укылган: 73 тапкыр

Баулы районының Татар Кандызы авылыннан бер чакрым ераклыкта чери башлаган кеше мәете табыла.

56 яшьлек ирне үтереп, тирес астына күмеп куялар. Бу хакта Россия Тикшерү комитетының Татарстан бүлекчәсе хәбәр итә. Җинаятьтә гаепле дип табылган шикле 43 яшьлек шушы авыл кешесе кулга алынган.

Тикшерүчеләр версиясе буенча, зыян күрүче фермада терлекче булып эшләгән. Июнь ахырында ул үзенең җитәкчесен “сожителе” каршында эт итеп сүгә. Билгеле, бу батырлыкка аның салмыш булуы да ярдәм итә. Кимсетелгән ир белән әлеге терлекче арасында низаг чыга. Ул терлекчене үз өендә кыйнау белән тәмамлана.

Хатынын мыскыллы сүзләрдән яклап чыгуына куанып, ир өенә кайтып китә. Ә иртән исә кичтән кыйналган терлекченең үле гәүдәсенә тап була. Югалып калмый ир: 22 яшьлек үги кызы һәм аның 27 яшьлек “сожителе” белән бергә, үлгән терлекчене авыл кырыена алып китеп, бер метр тирәнлеккә тирес астына күмеп куялар.

Бу хәлләр шулай онытылып торса да, без капчыкта ятмый. Өч айдан соң әлеге хәл калкып чыга. Моңа үги кызның “ире” гаепле. 4 октябрь көнне ул бу җинаять турында полициягә хәбәр итә. Гаепле ир шундук кулга алына. Әлеге хәл буенча “Үтереш” маддәсе нигезендә җинаять эше ачылган. Бүгенге көндә тикшерү эшләре бара.

Әлеге хәл турында тулырак белергә теләп, “Татар-информ” хәбәрчесе Баулы районына шалтыратты. Әмма тикшерү эшләре бару сәбәпле, комментарий бирүдән баш тарттылар. Бары шунысы гына билгеле: үлгән адәм Башкортстанның Туймазы районыннан килгән булган.



Фикерләр








Хәвеф-хәтәр

Ютазыда ике егет вәхшиләрчә пенсионерларны кыйнаган: 94 яшьлек әби вафат, 93 яшьлек бабай хастаханәдә

17 нче октябрь көнне иртән, Ютазы районы Подгорный бистәсендә коточкыч җинаять була. Бик олы яшьтәге карт белән карчыкны кыйныйлар. 94 яшьлек әбекәй баш мие җәрәхәтләреннән җан бирә. Вәхшиләрчә кыйналган 93 яшьлек ире исән кала, әмма бик авыр хәлдә хастаханәгә эләгә. 25 һәм 24 яшьлек ике егет пенсионерларга һөҗүмдә шикләнелә.

Хәвеф-хәтәр

Лениногорскида 65 яшьлек ир улын атып үтергән һәм киленен яралаган

14 октябрь кичендә Лениногорск районының Савочкино авылы, Лесная урамында 32 яшьлек ир-ат мәете табыла. Әлеше факт буенча Лениногорск районының Тишкерү комитеты тарафыннан җинаять эше ачылган. Бу хакта "Вечерние Челны" газетасы яза. 

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла