Борынында табиб онытып калдырган предмет аркасында, бер кызның бөтен тешләре череп беткән

4 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Екатеринбургта яшәүче Татьяна исемле хатын 10 ел буена башы авыртудан интеккән, төрле табибларга йөргән, анализлар тапшырган. Тик аның башы нидән авыртуын ачыклый алмаганнар, төгәл диагноз да булмаган.

Быел Татьяна стоматологка мөрәҗәгать итә. Табибка нидер ошамый һәм ул кызны рентген ясарга җибәрә. Шул чакта аның борын куышлыгында чит предмет булуы ачыклана. Бу турыда НТВ каналы сөйләде.

Рентген ясаганнан соң, Татьянаның битенең яртысында диярлек эчке якка үлек җыелганын күренә. Борын куышлыгында чит предмет булуы ачыклана. Хирурглар операция ясап, берничә ел элек онытылып калган катетерны ала. Татьянага өске казналыктагы тешләрен дә алдырып бетерергә киңәш итәләр. Чөнки аларның тамырлары череп беткән.

Шуннан соң Татьяна ун ел элек гайморит дәвалау өчен табибка баруын искә төшерә. Ул чакта табиб кызны дәвалый, манипуляцияләр ясый. Татьяна фикеренчә, нәкъ менә шул чакта табиб аның борын куышлыгында әйберләрен онытып калдыра. Еллар дәвамында бу чит предмет тирәли киста үсә. Кыз сулыш ала алмый башлый. Аның бит нервы ялкынсына. 
 


Ун ел элек табибның игътибарсызлыгы аркасында җәфа чиккәнен аңлаган Татьяна клиникага мөрәҗәгать итә. Тик аны биредә тыңлап та тормаганнар. Алар фикеренчә, табиб мондый хата ясый алмый. Ләкин соңрак ачыкланганча, доктор мондый әйберне гомумән кулланырга тиеш булмаган. Ул Татьянага балаларга куя торган катетер гына куйган булган. Бик кечкенә катетер булу сәбәпле, аның күренми калуы да гаҗәеп түгел, диелә хәбәрдә.

"Табиб бу катетерны тартып чыгаргач, ул берничек тә миңа куелырга тиеш булмавын әйтте. Ул бик кечкенә, бу - балалар катетеры", - дип сөйли Татьяна.

Әлегә Татьяна клиникадан акча таләп итәргә җыену-җыенмавы турында әйтә алмый, ул дәвалана.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: [email protected]

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: [email protected]

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла