Игезәк балалар көтә торган йөкле хатынны үтереп, фатирына ут төрткәннәр

6 ноябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
2 ноябрьдә Түбән Новгородның Архангельский урамындагы бер фатирда янгын була. Янгын хәрабәләрен актарганда бер хатын-кыз мәете табыла.

Шуннан соң 4 ноябрьдә 19 һәм 27 яшьлек ике егетне тоткарлаганнар. Алар таныш кызларын үтергән, әйберләрен урлаганнар, мәетен яндырып юк итәргә маташкан. Кызның мәетендә пычак эзләре бик күп була. Үтерүчеләр бу хатынның йөкле икәнен дә белгән. Бу турыда Россия Тикшерү комитетының Түбән Новгород буенча Тикшерү идарәсе матбугат хезмәте хәбәр итте.

Әлеге кешеләргә карата җинаять эше ачылган, аларны кулга алганнар. Хәзер бу ир-атларны гомерлеккә иректән мәхрүм итүләре ихтимал.

Тикшерү мәгълүматы буенча, үтерүчеләр исерек була. Үтергәнгә кадәр алар бу хатын белән талаша. Җинаятьчеләр аның кыйммәтле бизәнү әйберләрен урлый. Шуннан соң җинаять эзен яшерү өчен фатирга ут төртәләр, диелә хәбәрдә.

Янгында үлгән хатынга 20 яшь, ул игезәк балалар табарга тиеш булган. Бу турыда мәрхүмәнең күршеләренә сылтама белән "Комсомольская правда" хәбәр итте.

"Аш бүлмәсендә булган күршеләр нидер ватылган тавыш ишетә. Шартлау кебек була. Күрше хатын тәрәзәдән карый һәм янгын вакытында төшә торган баскычтан бер егет төшеп киткәнен күреп ала. Егет качып китә. Шуннан соң идәннән куе кара төтен чыга башлый. Безнең идәннәр агачтан ясалган, бүлмәләр арасындагы стена да агачтан, алар арасында берни юк диярлек. Күрше хатын мәрхүмәнең бүлмәсенең ишеген шакый башлаган. Аңа ачучы булмый. Видеодан күренгәнчә, төтен кухня тәрәзәсеннән дә ургылып чыга. Янгын башланганда, мәрхүмә аңсыз гына булганмы, әллә инде үлгәнме - белмим", - дип сөйләгән мәрхүмәнең күршесе Екатерина.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла