Кукмарада поезд бәргән хатын исерек булган?

5 Ноября 2017

Укылган: 868 тапкыр

Автор: Чулпан ШАКИРОВА
Нюреюнгри – Мәскәү 75нче тиз йөрешле поезды Кукмарада бер ханымны бәрдереп китә. 52 яшьлек хатын шундук җан бирә.

Әлеге хәлне видеога төшереп торучылар да булган хәтта. “Подслушано Кукмор” төркемендә иртән-иртүк пәйда булды ул язма. Астында мондый сүзләр дә бар: “Бу хатын исерек иде. Мин ашыгыч ярдәм чакыртмакчы идем, дуслары: “Шул кирәк аңа, ул үзе теләгәнен алды, ә син гаепле булып калачаксың”, – дип каршы төштеләр. Иң аянычы, ханымны поезд ничек бәрүен поезд тәрәзәсеннән балалар да күрде” дип язылган иде. Аңа каршы шулай ук җаваплар тезелде: “Син нинди җансыз кеше?”, “Нигә ашыгыч ярдәм чакыртмадың?”, “Бу видеоны мондагы балалар да күрсен дип элдеңме?” диелгән иде. Авторга әлеге шелтәләр тәэсир итте булса кирәк, ике сәгать эчендә видеоязма да, фикерләр дә төркем стенасыннан алынды.


Район Эчке эшләр бүлегеннән алынган мәгълүматларга караганда, бәхетсезлек очрагы 30 октябрьдә, сәгать 13.30 тирәсендә була. 1965 елгы, Кукмараның Академик Королев урамындагы күпкатлы йортларның берсендә яшәгән ханым рәсми булмаган җәяүлеләр сукмагыннан тимер юл аша чыга торган була. Аны Нерюнгри – Мәскәү 75нче тиз йөрешле поезды бәрдерә. Мәрхүмәнең ике баласы бар, алар үз гаиләләре белән яшиләр. Материаллар Казанның транспортта эчке эшләр линиясе бүлегенә җибәрелгән.

Исемен әйтергә теләмәгән әңгәмәдәшем әлеге ханымны таныды.

“Халык салмыш булган дип сөйли, әмма дөреслеген белмим”, – диде ул “Татар-информ” хәбәрчесенә.

Фикерләр








Хәвеф-хәтәр

Марий Элдагы юл фаҗигасендә һәлак булучыларның исемнәре билгеле булды: 15 кеше вафат

Марий Эл республикасы башлыгының иҗтимагый элемтәләр һәм мәгълүмат идарәсе микроавтобусның йөк автомобиле белән бәрелешүе нәтиҗәсендә һәлак булганнар исемлеген массакүләм мәгълүмат чаралары аша таратты.  

Хәвеф-хәтәр

"Йөз мең сум табыш алыр өчен миллион сумыннан колак каккан"

Казандагы чираттагы "пирамида" бөлде. Кертемчеләр офисы янында җыелды. Алар барысы да бер ел элек бер оешма белән килешү төзегән булалар. 

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла