В заголовках  В тексте
Җомга, 30 Декабрь 2016 10:54

2017 yılğa yoldıznamä

Ätäç yılına ayaq basarğa sanawlı könnär genä qalıp kilä. Yıl axırında härkem üzençä uzıp barğan yılğa yomğaq yasıy, kiläse yılğa yaña maqsatlar qoradır. Yoldıznamä bezneñ teläklärgä teläktäş mikän soñ?


Quçqar. 2017 yıl Quçqar öçen totaş sürprizlardan tora. Yaña perspektivalar açılırğa mömkin. Uñışnı qoyrığınnan totıp qalu öçen küp eşlärgä turı kiläçäk. Bu yılda Quçqarğa här süzne uylap äytergä, ğämällärne cide qat ülçäp qılırğa turı kiler. Üzeñne yaña xezmättä sınap qaraw öçen uñışlı yıl. Östämä belem alırğa mömkin. Ğailäle Quçqarlarnıñ yäşäw urının alıştıru ixtimalı bar. Yalğız Quçqarlar yılnıñ berençe yartısında uq ikençe yartısın oçrata ala. Bu çorda başlanğan mönäsäbätlär ZAĞSqa iltä. Sälämätlekkä ayıruça iğtibarlı bulırğa kiräk. Nihäyät, sport belän şöğellänä başlarğa bula. Finans ölkäsendä «açlıq» uq bulmasa da, qıyınlıqlar kötelä. Anıñ qarawı, yıl axırında kötelmägän cirdän aqça eşläw mömkinlege tua.

Ügezbozaw. 2017 yıl şäxsi tormışta üzgäreşlär çorı. Eşçänlek tören alıştıru buyınça da täqdimnär bulaçaq. Üzgäreşlärdän qurqıp qalmağız. Ğailäle Ügezbozawlar yıl başında balalar probleması belän oçraşırğa mömkin. Sälämätlek buyınça Ügezbozawlardan könläşergä genä qala. Şäxsi eş başlaw öçen uñışlı yıl. Burıçlarığız bulsa, anı yıl başında uq tülägez. Xäyriä eşçänlegenä salğan aqça, üzegezgä meñe belän äylänep qaytaçaq. İcadi keşelär öçen uñışlı yıl tügel.

İgezäklär. 2017 yılda İgezäklär ütkändäge kiräkmäs ceplärne özep, yaña tormışqa ayaq basa. Bıyıl İgezäklär här adımnı uylap yasarğa tieş. Ber yalğış adım böten tormışnı bozarğa mömkin. Ğailäle İgezäklär öçen mönäsäbätlärne saqlap qalu üzlärennän tora. Yalğız İgezäklär berniçä frontta eş alıp baraçaq. Sälämätlek käyefkä bäyle. Bu yılda sezgä «Sabır töbe – sarı altın» devizı belän yäşärgä turı kiler. Finans mäs'äläse üzegezgä bäyle. «Alma peş, awızğa töş» dip kötep yatuçılarğa qıyın bulaçaq.

Qısla. 2017 yıl Qısla öçen çağıştırmaça awır bulaçaq. Depressiä, eşkä qul barmaw, töşenkelekkä birelü – 12 ay eçendä şular belän köräşergä turı kiler. Şäxsi tormışqa kilgändä, yalğız Qıslalar ğömerlek yarların oçratırğa mömkin. Şulay uq cawapsız mäxäbbätkä yulığu oçrağı da bar. Ğailäle Qıslalarğa ikelänü, yuğalıp qalu kebek sıyfatlardan arınırğa kiräk. Sälämätlekkä dä iğtibarlı bulu sorala. Xronik awırular baş qalqıtırğa mömkin. Cawaplılıq xisen alğı planğa çığaru kiräk. Yış qına sudan qorı çığu sıyfatığız arqasında yaqınnarığıznıñ ışanıçın yuğaltasız. Yıl awır buluğa qaramastan, finans ölkäsendä totqarlıqlar bulmas, dip kötelä. Şulay da burıçqa aqça, kreditlar aludan saq bulığız.

Arıslan. 2017 yılda Arıslan, nihäyät, barlıq xıyalların tormışqa aşıra ala. Ğailäle Arıslannar öçen tınıçlıq çorı iñä. Avgust ayında yalğız Arıslan yörägenä yaqın keşene oçratır. 2017 yılda Arıslan bik aktiv häm kütärenke käyeftä bulır. Sälämätlegenä dä küz timäsen. Yıl axırında aru sizelergä mömkin. Bu – tabiği xäl. Ätäç yılı ideyälär yağınnan da bik bay bulır: şäxsi eşne başlarğa mömkin.

Qız. Yaña yılğa ayaq basu belän Qız üzendä bik küp köç toyar. Bıyıl tärtipne, cämğiättä totqan urınnı kütärü öçen yaxşı yıl. Yaxşı bulırğa omtılu Qızğa hönäri yaqtan da bulışa. Şäxsi tormış küñelle genä qaynıy. Yalğız Qızlar yıl başınnan uq yalğızlıqtan tuyıp, citdi mönäsäbätlär buldırır. Bala tabu öçen uñışlı yıl. Qızlar küp eşläyäçäk. Dimäk, bu – finans totrıqlılığı digän süz. Üzeñne här yaqtan sınaw öçen uñışlı çor. Uqu, belem arttıru belän dä şöğellänergä kiräk. Üz quışıñnı qoru öçen dä şäp yıl.

Ülçäw. Yıl ğadi genä bulmas. Eştä problemalar kilep tuarğa mömkin. Bolarnı çişüdä çit keşelär yärdämenä ömetlänergä kiräkmi. Yılnıñ ikençe yartısında ğailädä dä añlaşılmawçanlıqlar kilep çığuı ixtimal. Yıl başında Ülçäwlär küñel töşenkelegennän integer. Cäyen isä tınıçlıq äylänep qayta. Şulay da iñ uñışlı ay – sentäber. Bala turında xıyallanğan parlarğa bu teläkne tormışqa aşıru öçen äybät çor. Ülçäwneñ sälämätlege käyefenä bäyle. Dönyadan yäm taba almıy yörüçelärne tiz aru, qan basımı, qızıp kitü borçırğa mömkin. Karyera üseşe ciñellärdän birelmi. Aqçanı da ekonomiälärgä turı kiler.

Çayan. Çayannı uñışlı yıl kötä. Älege yoldızlıq astında tuuçılar uylağan här eşne tormışqa aşıra ala. Yäşäw urını alıştıru öçen yaxşı çor. Yalğız Çayannar öçen mönäsäbätlär tözü genä ciñellärdän birelmi. Ämma uzğan yıllarda başlanğan mönäsäbätlärneñ kiläçäge matur bulırğa oxşağan. Yaña eşlär belän şöğellänü öçen uñışlı yıl. Liderlıq sıyfatları baş qalqıtır. Finans ölkäsenä kilgändä, aq häm qara polosa çiratlaşıp baraçaq.

Uqçı. 2017 yılğa ayaq basu belän Uqçı üzendä ışanıç sizär häm waq-töyäkkä dä şatlana başlar. Ğailäle Uqçı öçen ğarmoniäle tormış waqıtı citte. Yalğızaqlar isä yılı buyı ğaşıyq xalätendä yörer. Cäyen keşe yal itkändä, Uqçı baş-ayağı belän eşkä çumaçaq. Ämma eş dip, sälämätlek turında onıtırğa yaramıy. Salqın tiü, xronik awırular här adımda saqlap toraçaq. Eşsezlektän integüçelär öçen yaña işeklär açıla. Burıçqa aqça almağız da, birmägez dä.

Käcämögez. 2017 yıl Käcämögez öçen eş häm ğailäne tigez bizmängä sala. Tormışta üzgäreşlär çorı: yaña ideyälär, perspektivalar waqıtı citte. Kilep tuğan waq-töyäk problemalarnı ozaqqa suzmıyça, tiz arada xä l itärgä turı kiler. Bu yıl Käcämögez öçen bik çuar häm uñaylı bulır. Bieklekkä kütärelü öçen mömkinleklär çığıp toraçaq. Ğailäle Käcämögezlär arasındağı mönäsäbätlär yaña töslär belän bayıtıla. Şulay uq etle-mäçele yäşägän parlar da ğarmoniägä ireşer. Yalğız Käcämögez ikençe yarın oçratıp, bik matur roman kiçerer. Bu mäxäbbät imin ğailä tözergä sälätle. Közen Käcämögez talçığuın sizär. Ämma qışqa taba anıñ xäle yaxşıra. Küçemsez milek satıp alu öçen uñışlı yıl.

Suqoyar. Açışlar yılı kötelä. Keşe fikerenä qolaq salırğa kiñäş itelmi. 2017 yıl ozaq waqıtlı säyäxätlär häm yaña eş başlaw öçen otışlı. Yıl başında Suqoyar bik xisçän bulır. Ul ğaşıyq bulırğa mömkin. Ğailäle Suqoyarlar köz başında krizis kiçerergä mömkin. Tormış iptäşe belän dä, balala belän dä añlaşılmawçanlıqlar çığuı bar. Yıl Suqoyar öçen bik dinamikalı bulaçaq. Belemne arttıru, sport belän professional' şöğellänü öçen uñışlı yıl. Aprel-may – aqça eşläw öçen uñışlı çor.

Balıq. 2017 yıl çağıştırmaça qatlawlı bulır. Uñışqa ireşü öçen küp tırışırğa turı kiläçäk. Moña qädär qıyulığı citmägän eşkä alına ala. Ämma yalqawlıqnı ciñärgä kiräk. Mäxäbbättä uñışlı yıl. Sezonlı awırulardan saqlanırğa kiräk. Gäwdä awırlığı artıq bulğannarğa dietağa utırmıy çara yuq. Karyera basqıçında üseş kötelä. Arxitektura, mädäniät, icat ölkäsendäge keşelärne uñışlı yıl kötä. Balıq aqçağa qıtlıq kiçermäs. Şulay da aqçanı uñğa-sulğa çäçärgä kiñäş itelmi.

Yazmanı bäyalägez
(0 tavışlar)
Soñgı üzgärtü Җомга, 30 Декабрь 2016 11:48
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev