В заголовках  В тексте
Сишәмбе, 08 Апрель 2014 10:45

Telägän telne öyräner

Tatarlar tuğan telebezgä iğtibar-ixtiram yuq dip borçılsa, ruslar arasında isä üz telläre kimsetelgän dip sanawçılar da bar. Respublikabız mäktäplärendä tatar tele däresläre mäcbüri quyılunı qabul itmiçä, alar inde berniçä yıl “üz xoquqların” yaqlıy.


“Rus tele saqçıları” respublikabızda böyek Puşkin tele qısırıqlana, tieşle däräcädä öyränelmi digän fikerne tarata. Alar mäktäplärdäge tatar tele däresläre rus telen sıyfatlı üzläşterergä mömkinlek birmi dip çañ suğa. Türälärebezneñ Tatarstanda ike däwlät tele, şuña da tellär arasında tigezlek saqlaw möhim digän dälilläre isä bik kisken qabul itelä.

1 aprel – kölke könendä Tatarstannıñ rus mädäniäte oyışması ber törkem citäkçelärgä medal'lär taqtı. “Märtäbäle büläklär”gä Tatarstan Prezidentı Röstäm Miñnexanov, Tatarstan Däwlät Sovetı räise Färit Möxämmätşin, Tatarstan Premyer-ministrı İldar Xalikov, Tatarstan Mäğärif häm fän ministrı Engel Fättaxov layıq buldı. Oyışma wäkilläre alarnı üz süzlärendä tormawda, rus balalarına tatar tele däreslären köçläp tağuda ğäyepli.

Rus telen yaqlawçılar fikerençä, mäktäplärdä tatar tele däresläre uqıtılu säbäple rus telenä iğtibar az birelä. Ğämäldä isä respublikabızda rus tele başqa töbäklärdäge kebek ük, urtaq bilgelängän külämdä öyränelä. Faktlar isä böyek Puşkin teleneñ qısrıqlawlarğa duçar buluın inqär itä.

Respublika uquçılarınıñ rus telen belü däräcäse dä üsä genä. Monı Berdäm däwlät imtixannarı näticäse açıq dälilli. Tatarstan uquçılarınıñ imtixan buyınça urtaça balları il külämendäge urtaça balldan yuğarıraq. Soñğı öç yılda respublikada rus telennän BDİ näticäläre buyınça iñ yuğarı ball cıyuçı uquçılar sanı da arta.

Şulay da respublika citäkçelege xalıqlar duslığın nığıtu, millätlär arasında tınıçlıq-iminlek saqlaw mäs'älälären härçaq iğtibar üzägendä tota. Tuğan telne öyrätü tieşle külämdä tügel diüçelär fikere dä isäpkä alındı - mart başında Tatarstan mäktäplärendä tuğan tellärne öyränü öçen östämä säğätlär kertü turında qarar qabul itelde. Ata-analar teläge belän balalar atnasına östämä 1 säğät tuğan tel öyränä ala. Bu tatar tele dä, rus tele dä, udmurt, mari, çuaş tellläre dä bula ala. Ämma bu däreslär barı tik teläk belderüçelär öçen genä – bernindi mäcbüriläw bulırğa tieş tügel dip aldan uq kisätep quydılar.

Tatarstan Mäğärif häm fän ministrlığı mäğlümatları buyınça, respublikabızda tuğan telne östämä öyränü telägen 180 meñnän artıq uquçı beldergän. Şularnıñ 91 meñe rus telen öyränergä teli, 52 meñe tatar telen saylağan, 37 meñ uquçı mari, mordwa, udmurt, çuaş telen yaxşıraq üzläşterergä omtıla.

Ämma “rus tele saqçıları”nıñ fikerläre isäpkä alınğaç ta, alar wäğdälärneñ äle dä ütälmäwen bilgeli. Martta uqıtıla başlanırğa tieşle däreslär qayber mäktäplärdä äle dä süzdä genä qala birä, di alar.


Güzäl NASIYBULLİNA

Yazmanı bäyalägez
(1 Tavış birergä)
Ukılgan 2440 märtäbä Soñgı üzgärtü Сишәмбе, 08 Апрель 2014 11:06

1 Fiker

Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev