В заголовках  В тексте
Дүшәмбе, 09 Гыйнвар 2017 16:54

Zina qılğan öçen cäza kemgä kübräk birelä? (coraw-cawap)

Mullalar awızınnan «Zinadan yıraq bulığız, çönki ul üze belän altı afät alıp kilä: öçese – bu dönyada häm öçese – axirättä», digän süz işetkän bar...


Intertat.ru redaktsiäse poçtasına Fagilä isemle xanımnan soraw kilde.

 


«... Min iremnän biş yäşkä ölkänräk. Şulay da yaratışıp öyläneştek. 5-6 yıl bik tatu ğömer ittek. İke ulıbız bar. Soñğı aralarda iremneñ çitlär belän çualğanın sizdem. Xäyer, sizdem genä tügel, üze dä miña xiänät itkänen yäşermi. Ul xatın minnän dä yäşräkter dip uylağan idem. Açıqlıy torğaç, iremnän 10 yäşkä olıraq bulıp çıqtı. İ, açuım çıqtı da, uylamıy-nitmi genä min dä xälälemä xiänät ittem... Ä menä xäzer bik ükenäm. Allahı qarşına barası bar bit...


Qazannan Fagilä.»





Zina qılğan keşene nindi cäza kötä? Bu xaqta başqalanıñ Ğäliev mäçete imam-xatıybı Timerğäli xäzrät Yuldaşev ätraflı itep cawap birä:

– Ässälämü ğäläyqum wä räxmätullahi wä bäräkätühü!

Allah Täğälä Qor'ändä äytä: «Wä alar (yağni xaq mö'minnär) ğawrät äğzaların kürsätmäslär häm zinadan saqlanırlar». Yağni barça fäxeş ğämällärdän, uylardan mö'minnär yıraqtır. Qor'ändä kilgänçä: «...zina qılu kebi fäxeş eşlärneñ açıq eşlänä torğannarına da, yäşeren eşlänä torğannarına da yaqın barmağız...» Yağni zur wä keçe zinadan yıraq bulu (übü, totınu, qaraw kebek zinalarğa yaqın kilmäw) digänne añlata.

Könnärdän ber könne Musa Rabbısı Allahtan soradı: «Yä Rabbım, zina qıluçığa nindi cäza bulır?» – dip. Şunda Allah Täğälä äytte: «Bez Qıyämät könendä zina qıluçığa maxsus uttan yasalğan külmäk kidererbez, xätta şuşı külmäktän zur tawlar da tuzanğa äyläner ide». Riwäyättän mäğlüm bulğança, ibliskä ber bozıq fäxeş xatın-qız meñ bozıq irgä qarağanda küpkä söykemleräk. Çönki ber bozıq xatın meñnän artıq irne azdırırğa mömkin.

Päyğämbärebez äytte: «Ägär keşe zina qılsa, anıñ imanı annan çığar häm başı östendä külägä sıman bulır, ä şuşı ğämälen, yağni zinanı, tämamlağaç imanı kire qayta». Fikerlärgä urın küp, ğalimnärneñ süzlärenä qarağanda, ägär dä keşe zina waqıtında ülsä, ul imansız xökemendä dönyadan kitkän bulıp sanalır wä urını cähännämdä bulır. Lutıylıq (ike irneñ censi mönäsäbätkä kerüe) – zinadan da zurraq gönah. Änäs bin Mälik riwäyät itä: «Päyğämbär äytte: «Ägär berär ir keşe ikençe berär ir belän zina qılsa, cännätneñ isen dä sizmäs, ä anıñ ise 500 yıllıq säfär yıraqlığında ğına sizeler».

Şulay uq ber riwäyättä: «Ägär berär xatın şähwät ilä berär yegetne üpsä, bu xatınnı cähännämdä Allah 500 yıl ğazaplar, ä ägär berär yeget berär qıznı (nikaxsız) şähwät belän üpsä, ul citmeş ğiffätle qız belän zina qılğan kebek bulır, ä kem inde ğiffätle qız belän zina qılsa, ul citmeş meñ xatın-qız belän zina qılğan kebek gönahlı bulır».

Yazmanı bäyalägez
(0 tavışlar)
Ukılgan 20 märtäbä Soñgı üzgärtü Дүшәмбе, 09 Гыйнвар 2017 17:44
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev