В заголовках  В тексте
Сишәмбе, 27 Сентябрь 2016 16:27

Qazan öçen tawış birü: tamçıdan kül cıyıla

Rossiäneñ 200 häm 2000 sumlıq yaña käğäz aqçalarında surätlänäçäk şähärlär öçen tawış birü tögällänergä nibarı un kön qaldı. Finalğa çıqqan un şähär arasınnan Qazan älege waqıtta ikençe urında bara.


Tatarstan başqalasınıñ yaña aqçalarda surätlänergä mömkin buluın belgäç, törle töbäklärdä yäşäp icat itüçe tatar mädäniät ähelläre dä sotsial' çeltärlär aşa Qazanğa uñışlar teli. Şuşı könnärdä genä Tatarstannıñ häm Rossiäneñ xalıq artistı Renat İbrahimov “Qazan öçen twoya–rossiä.rf saytında tawış bir” aktsiäsendä qatnaşıp, üz tawışın birde. Mäskäwdä cırçı bulaçaq käğäz aqça maketın totıp fotoğa töşte. Tatar estradası cırçısı Sömbel Bilalova da “Qazan aqçası” belän fotoğa töşep, sotsial' çeltärlär aşa başqalarnı da tawış birergä çaqırdı. Cırçı Rişat Töxwätullin twoya-rossiä.rf saytınıñ suräten sotsial' çeltärgä elep, Qazan öçen tawışlarnı jällämäskä öndäde. “Berençe qanal” korrespondentı Timur Siraciev ta üzeneñ tawışın Qazan Kremle häm Qazan federal' universitetı öçen birde.



Bügen Qazannıñ woleybol klubı, sigez tapqır Rossiä çempionı, biş tapqır Rossiä Kuboğı iäse, dürt tapqır Çempionnar ligasında ciñgän “Zenit” komandası baş trener Vladimir Alekno belän Qazannı yaqlap, tawış birüe mäğlüm buldı. Küptän tügel Qazannıñ “Rubin” komandası futbolçıları, şul isäptän yaña yarımsaqçı, “Arsenal” häm “Barselona” öçen uynarğa ölgergän Aleks Sonğ ta yaña aqçalarda Qazannı surätläw öçen tawış birgän ide.



Şuşı ütkän aylar eçendä million yarım keşene cälep itkän twoya–rossiä.rf saytında tawış birü 7 oktäbergä qädär däwam itäçäk. Anıñ näticäläre “Rossiä 1” telekanalında 7 oktäberdä kiçke 18.00 säğättä iğlan iteläçäk. Finalda Qazan, Soçi, Sevastopol', Yıraq Könçığış, Volgograd, İrqutsq, Sergiev Posad, Vladimir, Tübän Novgorod, Petrozavodsq şähärläre arasında köräş bara. Bügenge köndä 240 meñnän kübräk tawış cıyıp, berençe urında qışqı Olimpiada obyektları belän Soçi şähäre, ikençedä – borınğı Kreml häm universitet küreneşläre belän Qazan, öçençe urında – borınğı ğrek şähärçege Xersones häm batqan qorablar istälegenä quyılğan häykäl surätlären täqdim itep, Qırımnıñ Sevastopol' şähäre kilä.

1 oktäberdä Tatarstannıñ Milli bankında “Açıq işeklär köne” uzaçaq. Bu könne härkem bankqa ekskursiä yasap, Rossiä bankı tarixı belän tanışa alaçaq. Şunda uq yaña 200 häm 2000 sumlıq käğäz aqçalarda surätlänäçäk şähärlär öçen tawış ta birep bulaçaq.

Yazmanı bäyalägez
(0 tavışlar)
Ukılgan 400 märtäbä Soñgı üzgärtü Сишәмбе, 27 Сентябрь 2016 16:48
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev