В заголовках  В тексте
Дүшәмбе, 26 Декабрь 2016 18:03

«Tatfondbank» aqçaların tüli başladılar

Mäğlüm bulğança, dekaber başı «Tatfondbank» qullanuçılarına şomlı xäbärlär belän istä qaldı. Nihäyät, niçä atna buyı bank işek töben saqlawçı keşelärneñ küge ayaza başladı kebek. Bügen älege wäzğiät belän bäyle tağın yaña xäbärlär päyda buldı.


«SANATSİÄ – İÑ YAXŞI WARİANT»


- Monda respublikanıñ da berniqädär ğäyebe bar. Bez üz östebezdän cawaplılığıbıznı töşermibez. Banknı qıyınlıqlarnı ciñep çığar, dip uylağan idek. Barıp çıqmadı. Xäzer kertemnäre 1 million 400 meñ sumnan artmağan keşelär häm şäxsi eşmäkärlärgä tüläwlärne tüli başlaw turında qarar qabul itelde. Bu – 55 miliard sum, – dip assızıqlıy respublika Prezidentı Röstäm Miñnexanov.


 

«Tatfondbank»nı şundıy krizislı wäzğiättä qaluında 2014 yılda bulğan waqiğalar säbäpçe, dip sanıy ul. Çönki aqçağa äyländerä aluçanlığı (likvidnost') tübän bulğan finans institutları qıyınlıqlarğa oçrağan.

Tatarstan Prezidentı äytüençä, xäzerge waqıtta «Tatfondbank»nıñ bank-sanatorları bulu-bulmawı qararın kötälär. Ägär sanatsiä turında qarar qabul itelsä, bu – iñ yaxşı variant, dip sanıy Prezident. Şuña da anda rsepublika da yärdämgä kiläçäk. Tik älege sitawtsiäne Tatarstan tulısınça üz östenä ala almıy.

Şulay uq bügen Prezident Tatarstannıñ xoquq saqlaw orğannarına «Tatfondbank» citäkçelegenä qarata tieşle çaralar kürergä quştı. Bu mäs'äläne şäxsi kontrol'dä totaçağın da citkerde.


BANQLAR QOMPENSATSİÄ TÜLİ BAŞLADI


Şunısın da iskärtergä kiräk: bügennän, yağni 26 dekaberdän başlap yärdämgä bcilgelängän banklar «Tatfondbank» klientlarına kompensatsiä tüli başladı.
 


Kompensatsiäne qaytaru öçen öçen «Tatfondbank» qa aqça salğan keşegä pasportın alıp kilü häm açalarnı qaytaru öçen maxsus ğäriza tutırırğa kiräk bula. İskärtep uzabız: grajdannarnıñ böten kertemnäreneñ barısı da (aşığıç kertemnär, sorap alğanğa qädär salınğan aqça, valüta kertemnäre, xezmät xaqı, pensiä yäki stipendiä alu öçen bank qartaları buyınça ağımdağı (tequşçiy) sçetlar, şäxsi eşmäkärlär sçetlarındağı aqçalar) 1 million 400 meñ sumğa qädär iminiätläşterelgän.




«Aq bars» bank bülekçälärendä familiäläre «Q» häm «L» xäreflärenä başlanğan aqça saluçılarğa iminiät kompensatsiäläre tülänä. Qullanuçılarğa uñaylıraq bulsın öçen, 26-30 dekaber könnärendä bank köçäytelgän rejimda eşläyäçäk.

Şunısın da iskärtergä kiräk: bu yañalıq Qazan, Mäskäw, Sankt-Peterburğ, Ufa, Yoşqar-Ola, Tübän Novgorod, Novosibirsk, Perm, Samara, Sarıtaw, Yekaterinburğ, İjaw, Yaroslavl' şähärlärendäge aqça saluçılarğa qağıla.

Familiäläre «A» – «Y» xäreflärenä başlanğan keşelär kompensatsiälären – «Sberbank»ta, «M» xärefenä başlanğannar – «Rosselxozbank», «N» – «S» ğa başlanğannar – «WTB 24» tä, «T» – «Ya» ğa başlanğannar «Otqrıtie» bankında alırğa mömkin.



ÜZÄK BANQ YÄRDÄM İTÄRGÄ TELİ


Ä Rossiäneñ Üzäk Bankı isä «Tatfondbank»nı qotqarırğa cıyına. Bu mäs'älä buyınça inde ere federal' banklar belän dä söyläşülär alıp bara. Şulay uq Tatarstan banklarına yärdäm yözennän Üzäk Bank 120 milliard sum aqça bülep birergä dä mömkin. Monıñ turında «Vedomosti» basması xäbär itä.

Xäzerge waqıtta «Tatfondbank»nıñ 40 protsentın Tatarstan Xökümäte kontrol'dä totsa da, bank belän inde Üzäk Bank häm Kertemnärne iminiätläşterü agentlığınıñ waqıtlıça administratsiäse idärä itä.

«Tatfondbank»nı saqlap qalu cirle iqtisad öçen bik möhim: çönki bu wäzğiät tağın berniçä bankqa da naçar tä'sir itärgä mömkin. Monıñ «cimeş»lären inde bügen ük küräbez: uzğan comğada «İntexbank» waqıtlıça administratsiäne buldırdı. Şul uq waqıtta öç ayğa kredit aluçılarğa moratoriy salındı. Säbäbe – finans wäzğiäteneñ totrıqlı bulmawı, bu banktan kredit aluçılar häm aqça saluçılarnıñ mänfäğätlärenä qurqınıç yanaw belän bäyle.

«İntexbank» buyınça kompensatsiälärne 2017 yılnıñ 13 ğinwarınnan da soñğa qalmıyça tüli başlarğa tişlär. Kertemnärne iminiätläşterü agentlığı bu wäzğiättän zıyan kürgännärgä 13,9 milliard sumğa yaqın aqça tüli alaçaq. Agentlıq cawaplılığında bulğan aqçanıñ küläme şulay bulğan. Ni öçen «Tatfondbank»tağı oçraq «İntexbank»qa tä'sir itüe dä tikmägä tügel. Çönki bu ike finans oyışması ber-berse belän tığız bäyle.

Yazmanı bäyalägez
(0 tavışlar)
Ukılgan 330 märtäbä Soñgı üzgärtü Дүшәмбе, 26 Декабрь 2016 20:05
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev