В заголовках  В тексте
Чәршәмбе, 28 Декабрь 2016 11:56

Yılğa yomğaq yasasaq...

Yılğa yomğaq yasasaq... foto: president.tatarstan.ru

Här Yaña yılnı yaña ömetlär belän qarşı alabız da, ul sizelmiçä dä ütep kitä. Tatarstan Prezidentı äle kiçä genä 2015 yılğa yomğaq yasağan kebek ide. 12 ay şatlıq-quanıçları, yuğaltu-sağışları belän ütep tä kitkän. Tatarstan Prezidentı Röstäm Miñnexanov Munitsipal' berämlekläre sovetınıñ XI qorıltayında törle ölkälär buyınça yomğaq yasadı.


İQTİSAD


– Citeş tormışıbıznıñ nigeze iqtisadqa bäyle. Respublika külämendäge programma, proyektlar ğämäldäge iqtisad, sänäğät bulmasa, tormışqa aşmas ide. Bıyıl respublikada citeşterelgän produkt küläme uzğan yıldağığa qarağanda 2,5 protsentqa arttı. Awıl xucalığında 5,2 protsentqa üseş küzätelä.


AWIL XUCALIĞI


– Rossiädä söt citeşterü buyınça bez – berençe, it citeşterüdä – dürtençe, aşlıq cıyu buyınça tuğızınçı urınnı bilibez. İt citeşterüdä monıñ belän genä tuqtalmasqa isäp. Anı arttırunıñ çaraların kürergä kiräk.


SÄNÄĞÄT


– Respublikada 26 innovatsion klaster bar. Qama innovatsion klasterı – iñ ömetlelär rätendä. Barlıq proyektlar da çınğa aşsa, aldağı 6-7 yılda tawar citeşterü küläme öç tapqırğa artır dip uylıym. Şul nisbättän citeşterelä torğan produktsiä 2 trillion sumnan da kim bulmas.


TÖZELEŞ


– Bıyıl 2,4 million kvadrat metr toraq tözelde. Awıllarda küpfunktsiäle 45 klub, 60 feldşer-aquşerlıq punktı, 188 sport mäydançığı, 40 veterinariä punktı, 18 uçastok politsiäse öçen administrativ kompleks tözelde. Yıl sayın 800-900 küpfatirlı yort tözekländerelä, 90nan artıq mäktäpkä kapital' remont yasala, 50dän artıq balalar baqçası safqa basa.

Monnan tış, respublikada yullar tözü, uramnarnı yaqtırtu eşläre dä oyışqan töstä bara. Bıyıl, federal' aqçanı da kertep, yul tözeleşenä 30 milliard sum aqça totılğan. Çulman yılğası aşa salınğan küperneñ ikençe çiratı qullanılışqa tapşırıldı, Yäşel Üzändä timer yul aşa ike kiçü tözelde.

– Bıyılğı programmalarnıñ barısı da kiläse yılda däwam itäçäk. Monnan tış, modul'le çañğı bazaları, awıl cirlekläre, arxiv binaların tözü-yañartu eşläre, baqçaçılıq şirkätlären üsterü programmaları ğämälgä quyılaçaq.


MÄĞÄRİF


– Munitsipalitetlarda belem sıyfatı şähärnekennän bik nıq ayırıla. Moña ayıruça basım yasarğa kiräk. Xäyer, BDİ buyınça 10 fännän urtaça ball yuğarıraq. Bu, äytkänemçä, urını-urını belän kisken ayırıla.


SÄLAMÄTLEK


– Sälämätlek saqlaw ölkäsenä kilsäk, bıyıl infarqt buyınça kürsätkeçlär 9,5 protsentqa kimegän. Demoğrafiä buyınça da üseş bar. İnde menä altınçı yıl rättän yıl sayın dönyağa 10 meñnän kübräk bala awaz sala. Döres, sabıylar tuu yışraq Qazan, Çallı kebek şähärlärdä häm tağın berniçä ere cirlektä küzätelä. Şulay da maqtanmıy bulmıy, bu mäs'älädä bez - okruğ buyınça lider, ä ildä berençe 20lektä.

 


Ğomumän, respublika – liderlar rätendä. İnvestitsiälär buyınça da aldınğı urınnı bili. Awıl xucalığı buyınça - öçençe, sänäğät buyınça - dürtençe urında. Toraq tözü, säwdä buyınça da aldınğı safta barabız. Neft tarmağı da 4,3 protsentqa üste. Bıyıl respublikada 36 million tonna «qara altın» çığarılğan.



Redaktsiädä tormışıbıznıñ ähämiätle här ölkäse buyınça yılğa näticä yasalğan yazmalar äzerlänä. Intertat.ru saytın küzätep barığız!


Чулпан ШАКИРОВА

Yazmanı bäyalägez
(0 tavışlar)
Ukılgan 50 märtäbä Soñgı üzgärtü Чәршәмбе, 28 Декабрь 2016 13:46
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev