В заголовках  В тексте
Дүшәмбе, 12 Сентябрь 2016 08:36

Möselman kinofestivale ciñüçeläre büläklände

5-11 sentäberdä Qazanda XII Xalıqara möselman kinosı festivale uzdı. Bıyıl festival' programmasında 33 ildän 60 film täqdim itelde.


«Mädäniätlär bağlanışı aşa bağlanışlar mädäniätenä» şiğäre astında 2005 yıldan oyıştırılıp kilüçe festival' tınıçlıq, dini sabırlıq, tolerantlıq ideyälären alğa sörgän, millätara xezmättäşlek turında söyläwçe filmnarnı berläşterä. Bıyıl festival'gä 50läp ildän 700dän artıq ğäriza qabul itelgän.

Festival' Tatarstan Prezidentı teläktäşlegendä TR Mädäniät ministrlığı, Qazan meriäse, Rossiäneñ Möftilär şurası tarafınnan oyıştırıla. Bıyıl traditsion nominatsiälärgä östäp, Rossiäneñ yäş rejisserların barlawçı «Yäş Rossiä» nominatsiäse dä kertelde. Jürinı tanılğan kinorejisser, Rossiäneñ xalıq artistı, SSSR Däwlät premiäse laureatı Aleksandr Proşkin citäkläde. Şulay jürida Äfğanstan, Törqmänstan, Üzbäkstan, Tatarstan wäkilläre eşläde.

Bäygedän tış programma da waqiğalarğa bay buldı. İran rejisserı Mäcid Mäcidineñ Päyğämbär balaçağına bağışlanğan «Allahı İlçese» filmı, cirle rejisserlarnıñ Musa Cälil, Ğabdulla Tuqay, Ğabdraxman Äpsälämov tormışı häm icatın yaqtırtqan filmnarı kürsätelde, II «Kino waqıtı» belem birü forumı oyıştırıldı. Filmnar beryulı Qazannıñ «Rodina», «Mir», «Qorston» kinoteatrlarında, Qazan Kremlendä häm berençe tapqır İnnopolis şähärendä bardı.

Festival' Qazannıñ «Piramida» kompleksında açılğan ide. Yabılu tantanası M.Cälil isemendäge Tatar däwlär akademiä opera häm balet teatrı binasında ütte. İñ yaxşı näfis film, iñ yaxşı rejisser, operator, stsenariy avtorı, ir-at rolen başqaruçı, xatın-qız rolen başqaruçı, iñ yaxşı dokumental' film, iñ yaxşı animatsiä filmı kebek nominatsiälärdä barlığı 10 ciñüçegä Qazan festivaleneñ bilgese – Söyembikä manarasın surätlägän istälekle sınnar tapşırıldı.

 


Şamil ABDÜŞEV fotoları

Yazmanı bäyalägez
(0 tavışlar)
Ukılgan 145 märtäbä Soñgı üzgärtü Сишәмбе, 13 Сентябрь 2016 11:46
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev