В заголовках  В тексте
Җомга, 16 Сентябрь 2016 11:52

Edward Xäkimov – icatqa omtılğan professor

Professor Edward Xäkimovnı bez ğalim bularaq qına tügel, ä osta fotoğraf dip tä beläbez. Anıñ xezmätläre uylandıra, soqlandıra häm ğäcäpländerergä sälätle.


15 sentäberdä Qazannıñ «Aq bars galereya»sendä Edward äfändeneñ fotokürgäzmäse açıldı. Çara Tatarstannıñ Fännär akademiäseneñ 25 yıllığına bağışlana. Kürgäzmädä Fännär akademiäseneñ tarixı häm bügenge tormışı Tatarstannıñ Berençe Prezidentı M. Şäymiev, dönyaküläm tanılğan ğalim R. Säğdiev, M. Xäsänov, M. Ğäliev h.b. kürenekle şäxeslär aşa çağılış taba.

Edward Xäkimov Qazan däwlät universitetınıñ geologiä fakul'tetın tämamlağan. Könbatış Seberdä eşläp qaytqannan soñ, faydalı qazılmalar kafedrasında aspiranturada uqıy. Kandidatlıq dissertatsiäsen yaqlağaç uqıtuçı bulıp eşli başlıy. Doktorlıq dissertatsiäsen isä fälsäfä fännäre buyınça yaza.

Xäzerge waqıtta İdärä, iqtisad häm finanslar institutınıñ geografiä häm tuğan yaqnı öyränü kafedrası professorı. Ä fotoğrafiälär dönyası ğalim tormışında zur urın alıp tora. Anıñ icadi üzençälegen ğäzeta-jurnal redaktsiälärendä yuğarı bäyälilär. Çın küñeldän yaratıp başqarılğan eş Xäkimovka diplom-medal'lär dä kitergän. «Yäşäw räweşen añlaw – ğömeremneñ töp sorawı, – di Edward Xäkimov. – Küñelem irekkä omtıla ide, läkin şunı açıq añlıym: moña töşener öçen tormış turında tirän belem häm yäşäw täcribäse bulırğa tieş. Şul säbäple min studenttan professorğa häm Rossiä fotorässamnäre berlege äğzasına qädär bik ozaq bardım. Keşelärneñ törle mönäsäbäte belän bizälgän bik qızıqlı yul ide ul».



Soltan İSXAQOV fotoları

Yazmanı bäyalägez
(0 tavışlar)
Ukılgan 201 märtäbä Soñgı üzgärtü Җомга, 16 Сентябрь 2016 14:48
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev