В заголовках  В тексте
Чәршәмбе, 21 Сентябрь 2016 15:48

Respublika yılğa-külläre Kremlgä «küçengän»

Bügen Qazan Kremlendä «N2O» dip isemlängän kürgäzmä açıldı. Ul susaqlağıçlar yılı qısalarında ütüçe çaralarnıñ ber öleşe bulıp tora. Östän yañğır yawıp torsa da, tabiği baylıqlar bulıp sanalğan sulıqlarnı qararğa kilüçelär şaqtıy ide. Aralarında tärbiäçeläre belän baqça balaları, mäktäp uquçıları, studentlar, turistlar da bar.


Kürgäzmä bik qızıqlı formatta eşlängän. Anda kilgän härkem üzeneñ rayonı häm anıñ sulıqları belän tanışa ala.

– 2016 yıl tabiği sulıqlarnı saqlaw yılı. Şul uñaydan Ekologiä häm tabiği baylıqlar ministrlığı belän bergä şuşı proyektnı ğämälgä aşırırğa buldıq. Maqsatıbız: respublikabıznıñ susaqlaw zonalarına iğtibar yünältü, alar belän tanıştıru, – di Tabiği tarix muzeye citäkçese Olga Maqarova. – Älege kürgäzmä ğadi genä tügel, bez qunaqlarğa mini-kvest ütärgä dä täqdim itäbez.


 


Proyektnı äzerlägändä belgeçlär üzläre öçen dä şaqtıy qızıqlı dönya açqan. «Tatarstan buyınça öç meñnän artıq yılğa ağa. Min moña qädär şulay küpter, dip uylap ta qaramağan idem. Alarnıñ isemnäre dä bik üzençälekle. Küp kenä yılğalarnı yazuçılar üzläreneñ äsärlärenä kertkän. Şiğer, kartinanıñ nigezendä dä şul uq sulıqlar yata. Bu mäktäp uquçıları öçen bik qızıqlı foto-säyäxät», – di muzey citäkçese.



Proyektnı äzerläwgä biş aylap waqıt kitkän. Kiräkle mäğlümatnı Ekologiä ministrlığı, Qızıl Kitap, internettan da ezlägännär. Ekoloğlar, balıqçılar cämğiätläre belän dä elemtägä kerergä turı kilgän. Üzeñ yäşägän töbäk tarixı, anıñ kürkäm urınnarı, yılğa-külläre turında cirle xalıqtan da kübräk belüçe yuq, bilgele. Bu eştä dä iñ bay mäğlümatnı häm iñ uñışlı fotolarnı şul cirlektä yäşäwçelär cibärgän.


 

Kürgäzmä oktäber axırına qädär eşläyäçäk. Hawa torışı qomaçawlamasa, sulıqlar belän noyäberdä dä tanışıp bulaçaq.


Çulpan ŞAKİROVA. Soltan İSXAQOV fotoları

Yazmanı bäyalägez
(0 tavışlar)
Ukılgan 188 märtäbä Soñgı üzgärtü Чәршәмбе, 21 Сентябрь 2016 17:40
Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev