В заголовках  В тексте
Җомга, 28 Февраль 2014 08:12

«Rubin» ömetlärne aqlamadı

«Rubin» ömetlärne aqlamadı foto: rubin-kazan.ru

Yañartılğan «Rubin» Qazan tamaşaçısı qarşındağı täwge uyında xurlıqqa qaldı. Canatarlarnıñ matç axırına taba «Bärdıyıv» dip qıçqıruları yuqqa tügel ide.


Uzğan atnada Qazannıñ «Rubin» komandası Yevropa Ligasınıñ 1/16 finalında İspaniädä cirle «Betis» belän oçraştı. Matç däwamında diärlek ber uyınçığa azraq uynasa da, beznekelär oçraşunı urtaq näticägä – 1:1 isäbenä tämamlıy aldı. Bu oçraqta näticäne uñışlı dip atarğa bula. Çit mäydanda urtaq näticä ber xäl, ä menä köndäşläreñ qapqasına ber tup kertä alu avtomat räweştä üz mäydanıñda östenlek birä torğan faktor. Şunlıqtan ekspertlarnıñ küpçelege cawap matçı aldınnan östenlekne qazanlılarğa birdelär. Ämma...

«Rubin» – «Betis» matçı Qazan klubınıñ iske stadionında, xäzerge waqıtta künegülär öçen uzdırıla torğan mäydanda ütte. Üzäk stadionnı cäygä saqlarğa buldılar. Ä Universiadanıñ açılu häm yabılu tantanaları uzğan «Qazan-Arena»da äle çiräm üsep betmägän. Älbättä, sport başqalası dip atalıp yörüçe şähärebez öçen xäl maqtanırlıq tügel. İspaniälärdän komandalar kilep, anı şähärneñ iske ber rayonında qabul itäbez ikän – xällär maqtanırlıq tügel ikän bit. Şunısı ğına quandıra: stadion tamaşaçılar belän tulğan ide diärlek. Döres, «Rubin» stadionı un meñnän artıq keşene qabul itä almıy. Anısınıñ da ber öleşe İspaniädän kilüçelärgä, jurnalistlarğa birelgän ide.

Şaronov belän genä yıraq kitep bulmıy

Xäterläsägez, «Rubin» İspaniä klubları belän şaqtıy uñışlı uynıy ide. «Barselona», «Malağa», «Atletiko»larnı ciñgän komandabız üz çempionatlarında soñğı urınnarnıñ bersen alıp torğan «Betis»nı da ciñärgä tieş ide kebek. Şul fakt beraz sağayttı sağaytuın. Qorban Bärdıyıv citäkçelegendä Yevropağa säfärne başlağan çorda İtaliäneñ «Parma»sı da soñğı urında bara ide. Ämma alar bezne ciñä aldılar. İnde menä «Betis» ta ciñde.

Äytergä kiräk, bu oçraşuda ber kürergä iälängän komandabız bötenläy üz-üzenä oşamağan ide. Asılda, köndäşlärebez beznekelärdän ber başqa ğına tügel, berniçä başqa östen buldı. Qayberäwlär Qazan komandası sostavındağı problemalarnı xälitkeç säbäp itep kiterde. Kamil Mullin, Ruslan Möxämmätşinnar da Yevropada uynarğa äzer tügel şul. Rıjikov, Şaronov, Qaradänizlär belän qıytğa turnirlarında ğına tügel, Rossiädä dä ällä ni maytarıp bulmayaçağı kön kebek açıq.

Klub citäkçelege üze dä monı añlıy bulsa kiräk (kemnär citäkçelek itä ikän – anısın da beläse ide. Klub saytında general' direktor bulıp äle haman da Vladimir Leonov isäplänä, gärçä anı inde küptän Mäskäwgä kitte dip xäbär itsälär dä). «Betis» belän uynağan waqıtlarda qazanlılarnıñ tağın ike uyınçı belän kileşü tözegänlege mäğlüm buldı. Ukrainadağı xällärneñ totrıqsız bulmawın istä totıp, küp kenä komandalar selektsiä eşçänlegen şul tarafqa yünälderde. Qazan komandasına Xar'kov «Metallurğ»ınnan Ukraina cıyılması höcümçese Marqo Deviç küçkän. Ä «Zenit»tan isä 21 yäşlek Pavel Mogilevets bezdä arenda xoquqında uynayaçaq.

Bärdıyıvnı sağınu

...Oçraşu barışında isäp ispannar faydasına 2:0 bulğaç ta, stadionğa cıyılğan xalıq berdäm räweştä «Bärdıyıv, Bärdıyıv» dip qıçqıra başladı. Tamaşaçını añlarğa bula. Çönki bezneñ barlıq ciñülärebez, uñışlarıbız Qorban Bärdıyıv iseme belän bäyle şul. Rinat Bilaletdinov citäkçelegendä uynawçı komandabız üz tamaşaçıları aldındağı çığışlarnı ğäyät uñışlı başlap cibärgän oçraqta bälki elekkege trenernı iskä aluçı da bulmas ide. Şunısı da bar, «Betis»qa qarşı cawap uyınında «Rubin»nıñ Yevropa Ligasındağı undürt matçlıq ottırularsız seriäse özelde.

Qıytğa turnirlarında çığış yasawçı Maxaçqalanıñ «Anji»sı isä cawap uyınında Belgiäneñ «Genq»ın 2:0 isäbe belän birelderde. Şul räweşle, Rossiä çempionatınıñ soñğı urınında baruçı maxaçqalalılar Yevropadağı töp ömetebez bulıp qaldı, buğay. Süz uñayında, qayber mäğlümatlar buyınça Qorban Bärdıyıv «Anji»da eşkä küçkän, dilär...


Radik CABİROV

Yazmanı bäyalägez
(1 Tavış birergä)
Ukılgan 3350 märtäbä Soñgı üzgärtü Җомга, 28 Февраль 2014 08:57

1 Fiker

Fiker kaldırırga

Kiräkle mäglümat (*) kertügezgä inanıgız (
HTML-kodlar tıelgan)


Татар-информ яңалыклар

  • БАРЛЫК ХӘБӘРЛӘР
  • ТАТАРСТАН
  • РОССИЯ

Latin imlasına küçerüçe programma avtorı – N.Timerğäliev