Галимә & Шагыйрәнең иҗат кичәсендә танылган артистлар балалары белән җырлады (клип)

6 Октября 2017

Укылган: 1030 тапкыр

Автор: Эльвира ШАКИРОВА
Гүзәл Уразова башкаруындагы "Балаларым", Лилия Муллагалиеваның "Бәби көтәбез әле", Илдар Хәкимовның "Уфтанма" һәм башка хит җырларның сүзләрен иҗат иткән шагыйрә Эльвира Сафина тәүге иҗат кичәсен үткәрде.
Эльвира белән шәхсән үзем күптәннән таныш. Аның төп эше - шигырь язу түгел. Ул - галимә. Шуңа да Эльвира - җитди, акыллы, башлаган эшен ахырына кадәр җиткерүче үтә дә җаваплы кеше. Аның мәгънәле, тирән карашлы булуы һәр җырында чагыла. Эльвираның күп җырлары моңсу, йөрәккә үтеп керә торган. ИлЗилә "Әтиемә" җырын башкарганда, залда утыручы тамашачының һәм хәтта җырчының да күзендә яшь иде. Бу җырдан соң Эльвирага да, ИлЗиләгә дә шагыйрәнең әтисе чәчәкләр бүләк итте.



Эльвира Сафина сүзләренә язылган җырлар арасында дәртле көйлеләре дә бар. Шуларның иң истә калганы - "Бәхетле бул, балам" җырын башкарган Лилия Муллагалиева, Замирә Рәҗәпова, Гүзәл Идрисова, Айгөл Шәйхетдинова, Гөлназ Шәрипҗанова чыгышы. Җырны башкарганда, артистларның балалары да сәхнәгә чыкты. Шуны да әйтергә кирәк, кичәдә бу җырга төшерелгән клипның презентациясе булды.



"Җанга якын дусларга" дип аталган иҗат кичәсендә Эльвираның "Күңелдәге хатлар" исемле шигырьләр җыентыгы тәкъдим ителде. Әлеге китапка кергән кайбер шигырьләрне Г.Камал театры артистлары һәм Эльвира үзе укыды. Кичәдә Айгөл Бариева, Алсу һәм Азат Фазлыевлар, Гүзәл Уразова, Илдар Хәкимов, Алсу Әбелханова, Гүзәлия, Илнар Ялалов, Артур һәм Марат, ИлСаф, ИлГәрәй, Илшат Вәлиев, Эльмира Гыйльфанова һәм Рафил Җәләлиев, Рәфинә Ганиуллина, Гөлназ Солтанова, Ленар Сәйфиев, Артур Хафизов, "Мирас" ансамбле катнашты. Концертны Замирә Рәҗәпова алып барды.



Гүзәл һәм Илдарның чыгышы белән тәмамланган кичәдән соң Эльвира Сафина белән аралашып алдык.


- Эльвира, иҗат кичәң бер сулышта узып китте. Җырларыңны эстраданың иң популяр җырчылары башкара. Миңа калса, тамашачы ләззәтләнеп утырды. Ә үзең нинди хисләр кичерәсең?

- Залда утырган дуслар, туганнар һәм танышлардан, кичәдә катнашкан җырчыларымнан әлегә кадәр матур теләкләр, рәхмәт сүзләре килеп тора. Бу да, үз чиратында, кичәмнең уңышлы узуы турында сөйлидер. Иҗатыма мөкиббән һәм үземә җылы мөнәсәбәттә булучыларның күп булуы да күңелне үстерә. Һәммәсенә чиксез рәхмәтләремне җиткерәм. Кичәдә яңгыраган җырлар, матур мизгелләр күпләрнең хәтерендә сакланыр дип уйлыйм. Әти-әниләргә багышланган җырлар кадерле әти-әниләрем өчен бүләк булып яңгырады. Сәхнәгә балалары белән чыккан чибәр, тырыш, өлгер кызларыбыз Замирә, Айгөл, Лилия, Гөлназ һәм Гүзәлгә аерым рәхмәтләремне җиткерәм.

- Үзең канәгать калдыңмы?

- Камиллекнең чиге юк. Бары тик иҗат, концерт оештыру белән генә шөгыльләнергә иркен вакытым булса, бәлки тагын да югарырак дәрәҗәдә эшләргә мөмкин булыр иде. Әмма төп эшемә - Татарстан фәннәр академиясенең Г.Ибраһимов исемендәге Тел, әдәбият һәм сәнгать институтындагы фәнни хезмәтемә хилафлык китермичә эшлим дисәң, ял көннәре яки эштән соңгы вакытлар һәм илһамлы төннәр генә минем карамакта. Шуңа, ирешкәннәремә дә мең шөкер дим. Китабым чыгу да бик зур хезмәт һәм искиткеч мөһим вакыйга. Укучылар аны яратып кабул итәр дигән өметтә калам.








Фикерләр








Шоу-бизнес

“Кызлар Пати”: Зөлфия Шакирова кызлар кебек, Айгөл Бариева җиләк кебек, ә Интертат хәбәрчесе - ?

Казанның “Люксор” төнге клубында узган татар дискотекасында беренче тапкыр “Кызлар Пати” чыгыш ясады. Моңа кадәр бирегә ял итәргә генә йөргән кызлар бу юлы клубны үзләре гөрләтте. Араларында дискотекада беренче тапкыр җырлаучы артистлар да бар иде.

Шоу-бизнес

Татар эстрадасы җырчылары нинди китаплар укый? (сораштыру)

Сентябрь аенда татарлар арасында әдәби марафон узды. Ягъни һәркем укыган китабын фотога төшереп, #әдәбимарафон хэштэгы белән Инстаграмга урнаштырды. Бу айда исә тәмле марафон старт алды. Эстрада артистлары арасында китап уку һәм нинди ризыкка өстенлек бирүләре турында сораштыру уздырдык.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла