Хәния Фәрхи Казанның Яңа Татар бистәсе зиратында җирләнде (фоторепортаж)
Танылган җырчыны озатырга бик күп кеше, артистлар, мәдәният һәм сәнгать әһелләре килде. Алар аның рухына дога кылып, каберен чәчәкләргә күмде.
Бүген, 29 июльдә, Татарстанның һәм Башкортстанның халык артисты Хәния Фәрхи Казанның Яңа Татар бистәсе зиратында җирләнде.
Татар эстрадасының йолдызы 27 июльдә туган ягы - Башкортстанның Тәтешле районына әнисе янына кунакка кайткач, йөрәк өянәгеннән вафат булды. Аңа быел май аенда 57 яшь тулган иде. Татарстанда җырчы белән хушлашу чарасы Казанның Г.Камал исемендәге Татар дәүләт академия театры бинасында узды. Театр бинасы бөтен килгән кешене дә сыйдыра алмады. Җырчының кызы Алия, әнисен соңгы юлга озатырга килгән кешеләргә рәхмәтен җиткерде.
Артистканы Яңа Татар бистәсендә җирләүдә дә бик күп кеше, танылган мәдәният, сәнгать әһелләре катнашты. Алар җырчының рухына дога укып, каберен чәчәкләргә күмде.
Хәния Фәрхинең биографиясе һәм җырлары.
Татар эстрадасының йолдызы 27 июльдә туган ягы - Башкортстанның Тәтешле районына әнисе янына кунакка кайткач, йөрәк өянәгеннән вафат булды. Аңа быел май аенда 57 яшь тулган иде. Татарстанда җырчы белән хушлашу чарасы Казанның Г.Камал исемендәге Татар дәүләт академия театры бинасында узды. Театр бинасы бөтен килгән кешене дә сыйдыра алмады. Җырчының кызы Алия, әнисен соңгы юлга озатырга килгән кешеләргә рәхмәтен җиткерде.
Артистканы Яңа Татар бистәсендә җирләүдә дә бик күп кеше, танылган мәдәният, сәнгать әһелләре катнашты. Алар җырчының рухына дога укып, каберен чәчәкләргә күмде.
Хәния Фәрхинең биографиясе һәм җырлары.