Хәния Фәрхинең кырыгына флешмоб: җырчының тамашачылары Казан үзәгендә "Әлдермешкә кайтам әле" хитын башкарды

7 Сентября 2017

Укылган: 1909 тапкыр

Автор: Лилия ЛОКМАНОВА
Фото: Александр Эшкинин
Танылган җырчы Хәния Фәрхи вафатына бүген кырык көн.Яраткан җырчысын тамашачысы онытмый. Бүген дә, Хәния Фәрхине искә алып, тамашачылары флешмоб оештырды. Г.Камал исемендәге Татар дәүләт академия театры каршында дистәләгән кеше "Əлдермешкә кайтам әле" җырын башкарды.
 Артистның "Вконтакте" социаль челтәрендәге рәсми төркемендә дә халык саны көннән-көн арта бара. Аның җырларын тыңлыйлар, балалары, тормыш иптәше Габделхәй әфәнде хәлләрен белешеп торалар. Социаль челтәрдә җырчының кырыгына "Әлдермешкә кайтам әле" җырын күмәкләп башкару планлаштырылган иде.


Əмма тамашачылар моның белән генә тукталып калмыйча, берничә җырны кабат-кабат җырлады. 

Хәния Фәрхинең хиты булган "Əлдермеш"тән тыш, Камал театры каршына җыелучылар "Үпкәләсәң әйдә, үпкәлә", "Җырлап яшик" кебек җырларны да берничә тапкыр башкарды. Башта алар Хәния исемен гәүдәләндерү өчен "Х" хәрефе итеп тезелеп басты. Аннан исә "Х" һәм "Ф" хәрефе булып басып җырлады.

 Кич шактый салкынча иде. Кабан күле янында әче җил иссә дә, чарада катнашырга теләүчеләр кимемәде, арта гына барды.



Урта яшьтәге апа-абыйлар, яшь балаларын җитәкләгән әти-әниләр, яшьләр, әби-бабайлар- барчасы бергә Хәния ханымны искә алырга килгән. Җырчының дуслары, кызлары Алия белән Алсу да биредә иде. Габделхәй әфәнде исә, күзенә тулган яшьләрен сөртеп, барысын да читтән генә күзәтеп торды... 

 


   "Без бүген яраткан җырчыбызны искә алырга дип килдек. Аның бер концертын да калдырмыйча йөри идек. Кешелекле, уңган-булган, бөтен җире "ялт" итеп тора иде. Үзе кешелекле, гел кояш иде. Хәния вафатыннан соң бер атна еладык. Бер алдаусыз, Ходай алдында әйтәм. Ул бер генә, андый җырчылар башка юк. Хәния кебек җырчылар башка булмаячак", диде "Татар-информ" мәгълүмат агентлыгы хәбәрчесенә флешмобта катнашырга килгән Миңзыйфа  ханым Йосыпова. 

"Аның өендә нәрсә булган - анысы безгә кагылмый. Ул тегеләй эшләгән, болай иткән дип язалар. Алай эшләү бер дә кирәкми. Ул сәхнә кешесе, аның сәхнәдә нинди булуы мөһим", - диде ул.
 

Ринат Ганиев Тольятти шәһәреннән үк килгән.

"Без Хәния белән егерме елдан артык дуслар булып яшәдек. Без аларга килеп, алар безгә килеп яши идек. Бу безнең өчен бик зур югалту булды. Мин аны җирләргә дә килдем, үз кулларым белән кабергә салдым. Авыр булды, тик күңелем аның өчен тыныч. Дусларны югалту бик авыр. Аның кебек җырчы татар эстрадасында башка юк. Ул бик гади кеше иде. Мәңге мәкерле уе булмады, бер вакытта да гайбәт сөйләмәде. Дөрестән дә халык артисты иде. Беркемне сатып алмады, барысына да үз көче белән иреште", - диде ул "Татар-информ" мәгълүмат агентлыгына.  

 
 Флешмоб "Казан кичләре" җырын башкару белән тәмамланды.

















Фикерләр








Җәмгыять

Римзил Вәли Мәскәү татарларына: “Татарлар, Казанны саклагыз!”

Мәскәү татарлары телендә "Штаб" дип йөртелгән иҗади очрашулар үзәгендә Татарстанның танылган җәмәгать эшлеклесе, журналист, блогер Римзил Вәли белән очрашу узды.  “Интертат” Римзил Вәлинең Мәскәү яшьләренә җиткергән фикерләре белән уртаклаша.

Җәмгыять

Татарстанның Сәламәтлек саклау министры: "Авыруга тупас җавап биргәннәр, игътибарсыз калдырганнар икән – барысын да исәпкә алабыз"

Табибларга мөрәҗәгать итүчеләр ниләрдән ешрак зарлана? Ришвәт бирергә мәҗбүр итсәләр, нишләргә? «Дустанә хастаханә» атамасы ни аңлата? Татарстан хастаханәләрен төзекләндерү кайчан тәмамланыр? Бу һәм башка сорауларга Татарстанның Сәламәтлек саклау министры Гадел Вафин җавап бирде. 

Җәмгыять

Төркия татары Сәгыйть Хәйри: "Татар телен күңелегез белән яратсагыз, ул сезнең тормышыгызда ярдәм итәчәк"

Әнкарада "Төркия авазы" радиосы ачылганнан бирле, ягъни 1998 елдан, аның татар бүлеген Сәгыйть Хәйри җитәкли. "Татар-информ" агентлыгына биргән интервьюсында ул бүгенге көн Төркия татарларының яшәеше, Төркия-Татарстан мәдәни багланышлары турында фикерләре белән уртаклашты.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла