Стилист Рамилә Гайнетдинова: Хәния Фәрхи, үзенә генә килешә торган прическа ясауны миңа ышанып тапшыра иде

5 Октября 2017

Укылган: 1126 тапкыр

Хәния Фәрхинең вафаты җыр сөючеләр өчен чын мәгънәсендә шок булды. Татар җыры легендасы Әлфия Авзалованың вафат булып аның кырыгын уздырган көнне, Хәния Фәрхинең дөньядан китүен күпләр ниндидер билге дип кабул итте. Әлфия Авзалова аны үзенең сәхнә дәвамчысы дип санаган була. "Эфир 24" каналындагы тапшыру шул хакта иде.
"Эфир 24" каналы Хәния Фәрхи истәлегенә багышланган концерт хакында репортаж тәкъдим итте.

Алия Гәрәева телеканалга биргән интервьюсында үзенең тамашачылар соравы буенча җырлавын әйтте. 

- Тамашачылар әнине исләренә төшерәчәкләр. Елмаеп та, ул һәрвакыт бик шат күңелле иде. Шул ук вакытта моңсуланып та, чөнки моңсу җырлар да яңгыраячак. 


Хәния Фәрхи күп тапкырлар Алла Пугачева иҗатыннан үрнәк алырга кирәк дип әйткән була. Совет эстрадасы примодоннасы аның өчен кумир була. 



- Алла Пугачева рус эстрадасы примодоннасы, ә Хәния Фәрхи татар эстрадасы примодоннасы. Аларның энергетикалары бер төрле, алар бик охшаш һәм көчле хатын-кызлар, - дип сөйли Алия Гәрәева.

Республиканың баш балетмейстеры Рәйлә Гарипова җырчы белән күршеләр була. Сәхнәдән тыш еш аралашканнар. 



- Улым бик нык кайгырды,чөнки Хәния аны һәрвакыт "Улым, улым" дип йөртә иде. Беренче көннәрдә бик нык борчылды. Улымны бик ярата иде, аның белән бергә борчылды, бергә куанды, мин дә аның кызлары өчен игътибарымны кызганмый идем. Бер гаилә кебек идек. Гап-гади кеше, шулхәтле ачык, ярдәмчел иде - дип искә ала Рәйлә Гарипова. 

Стилист Рамилә Гайнетдинова Хәния Фәрхидә ике ел эшли. Бергәләп бөтен Татарстанны һәм Россиянең бик күп шәһәрләрен йөреп чыгалар. 

- Шушы вакыт эчендә мин аны тоемларга йөрәнеп беткән идем. Ул миңа тулысынча ышана иде. Ул бик ачык кеше, икенче әнием кебек булды. Аңа гына килешә торган үзенчәлекле прическасын ясауны да миңа ышанып тапшыра иде, - дип сөйли Рамилә.



- Һәрвакыт әйтә иде: нәрсә генә булса да, син гел елмаерга тиеш, балаларын беркайчан да синең күз яшьләреңне күрмәсеннәр. Ул үзе дә гел шундый иде. Ул минем өчен үрнәк, - дип искә алды әнисен Алия Гәрәева.

Фикерләр








БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла