“Якут туйга тарантас ясадым”

10 Ноября 2017

Укылган: 466 тапкыр

Нурлат районының Чулпан авылында яшәүче Әнвәр Насыйбуллин өч ай эчендә патшалар тәхете – тарантас ясап куйган.

Билгеле, аңа бу эшендә дус-туганнары да булышкан. Авыл агаен әлеге эшкә француз кинолары этәргән. Әнвәр абыйга Парижны күрү бәхете эләкми, билгеле. Шулай да телеэкраннардан күреп калган тарантас, шуңа утырып уарм әйләнү хыялы тынгылык бирми аңа.

–Яшьтән үк тарантас ясарга, кәләшемне шуңа утыртып алып кайтырга, туй итәргә хыялланган идем, – ди ул. – Кинода күреп алдым да, моны бит инде мин дә ясый алам дип уйладым. Әмма тормыш мәшәкатьләре баса башлагач, бу хыял ничектер арткы планга күчте. Районда мондый тарантас берәүдә дә юк иде. Менә хәзер миндә булды. Аны бит төрле бәйрәм-мәҗлестә кулланырга була. Аның белән бәйрәмнәр тагын да матуррак, күңеллерәк узар.


Тарантасның төп корпусы калайдан эшләнгән, эче җылытылган. Эчтән бикләнә торган ишеге, ачылмалы-ябылмалы тәрәзәләре бар. Тарантасны Әнвәр аганың кияве автомобиль буявы белән буяган.

Хатыны Наилә ханым да иренең тарантас ясау теләге белән күптән януын әйтте.

–Гомер буе хыялланды инде, хыялламнаган кая? Сызды, бозды, рәсемнәрен ясап карады. Кияүгә бу тарантаска утырып чыгып булмады, билгеле. Менә, өйләнешүебезгә 40 ел булды. Бу – туй датасына истәлекле бүләк, – ди ул “Татарстан 24” хәбәрчесенә.


Әнвәр Насыйбуллинның бу беренче уңышы гына түгел, ул үз авылында Җиңү паркы да ясаган кеше. Ә бу тарантасында исә ул үзенең авылдашларын утыртып әйләндерү теләге белән яши, бәйрәмнәргә биреп торырга уйлый.

Тарантаска утырыр алдыннан Әнвәр абый киемнәрен алыштыра. Киемдәге ялтыравык – төп атрибут, бу – элекееге традицияләргә хөрмәт йөзеннән эшләнә. 


Фикерләр








БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла