Өйдәгечә колбаса

Терлекнең баш ите суыткычта күп урын алып тора, чөнки зур сөякле була. Аны терлек чалган көнне үк пешерергә куйсагыз яхшы булачак.
Ит күмелерлек итеп су салырга, 2-3 сәгать кайнатырга, пешәр алдыннан тоз салырга. Итне шулпадан алырга, суытырга, сөяктән араларга һәм иттарткычтан чыгарырга.Үсемлек маенда вак итеп турап суган кыздырырга, әзер булыр алдыннан сарымсак һәм атланмай өстәргә .Аннары ике массаны кушарга, борыч, үзегез яраткан тәмләткечләрне өстәп болгатырга кирәк.Азык пленкасына бу массаны кул белән тигезләп җәяргә һәм рулет итеп тыгызлып төрергә. Суыткычка куярга. Тиз генә кулланырга уйламасагыз туңдыргычта сакларга кирәк.Табынга кисеп куярга. Шулай ук токмач, карабодай боткасы пешергәндә дә салырга мөмкин.