Татарстанда коточкыч фаҗига: җылыту батареясына орынган ир-атны һәм хатын-кызны ток сугып үтергән

Чистайның Академик Королев урамындагы йортның бер фатирында 29 яшьлек ир-ат һәм 34 яшьлек хатын-кыз мәете табылган. Алар электр тогы сугып үлгән дип фаразлана. Бу турыда Татарстан буенча Тикшерү комитеты хәбәр итте.

Беренчел мәгълүматлар буенча, ир-ат ванна бүлмәсендәге җылыту батареясына кулы белән орынган һәм аны ток суккан. Егылганда ул сөлге киптергечне тартып төшергән. Ир-атның тавышын ишетеп, хатыны ярдәмгә күршесен чакыра. Күрше хатын ир-атка орына һәм аны да ток сугып үтерә.

Шулай итеп бу ике кеше урында ук һәлак булган.

Тикшерүчеләр фатирны караганда, биредә ремонт баруын күргән. Кайсыбер урыннарда электр үткәргеч чыбыклар ачык торган.

Хәзерге вакытта мәетләрне экспертизага озатканнар.