Күрше төбәктә авариядә ашыгыч ярдәм машинасындагы табиблар үлеп беткән
«УАЗ» автомобиле йөк машинасы белән бәрелешкән.
21 гыйнварда иртәнге якта Марий Эл Республикасында «УАЗ» ашыгыч ярдәм машинасы йөк машинасына бәрелгән. Өч кеше — машина йөртүче, фельдшер һәм шәфкать туташы урында ук үлгән. Тагын бер кеше имгәнгән. Бу турыда Марий Эл Республикасы буенча Эчке эшләр министрлыгы матбугат хезмәте хәбәр итте.
«Йошкар-Ола — Уржум» трассасының 47 километрындагы әлеге авариядә йөк машинасы йөртүче яраланган.
Фаҗиганең сәбәпләре ачыклана. Урында ЮХИДИ хезмәткәрләре эшли.