Мэри Поппинс булып уйнаган Наталья Андрейченко югалган
63 яшьлек Наталья Андрейченко чит илдә яши.
Россиянең атказанган артисты, «Мэри Поппинс, до свидания» фильмындагы роле белән таныш булган Наталья Андрейченко Мексикада югалган. Бу турыда аның PR-директоры Ян Трунцевка сылтама белән «Вести» каналы хәбәр итте.
Андрейченко инде бер тәүлек чамасы элемтәгә чыкмый. 25 гыйнварда ул кунакта була. Аннары йокысы килә башлагач, өенә кайтып китә. Шуннан бирле аны күрүче юк.
PR-директор сүзләренчә, хәзерге вакытта актрисаның Россиядәге номеры да, чит илдәге номерлары да шалтыратуга җавап бирми.
63 яшьлек Наталья Андрейченко «Сибириада» эпопеясында төшкәннән соң, бөтен дөньяга танылды. Аннары «Мэри Поппинс, до свидания» һәм «Военно-полевом романе» фильмнарында төште.