2020 елда автомобильдә йөрү өчен тагын бер документ кирәк булачак
"Этикетка энергоэффективности" дигән документта машинаның күпме бензин, газ, дизель ягулыгы якканы һәм атмосферага күпме углекислый газ чыгарганы язылачак.
RT язуынча, "Этикетка энергоэффективности" документы машинаны сатып алынганда бирелә торган документлар исемлегендә булачак. Ул авырлыгы 3,5 тоннага кадәр булган автомобильләр өчен мәҗбүри булачак.
Яңа канун 2020 елның 31 мартында гамәлгә керә.
Бу канунны социаль челтәрләрдә "акча җыяр өчен нишләргә белмиләр инде!" дигән типтагы комментарийлар белән бик тискәре кабул иткәннәр.