Менопауза иртә башлану нәрсәсе белән куркыныч?
Менопауза иртә башлану хроник авырулар китереп чыгарырга мөмкин.
40 яшьләр тирәсендә башланган менопауза 60 яшькә җиткәндә төрле хроник авырулар, шул исәптән йөрәк эшчәнлеге бозылу һәм диабет китереп чыгарырга мөмкин. Австралиядә яшәүче хатын-кызларны тикшергән галимнәр шундый нәтиҗә ясаган. Бу хакта Daily Telegraph сайтына сылтама белән ТАСС хәбәр итә.
Экспериментта 45-50 яшьлек 5 мең хатын-кыз катнашкан. Аларны 20 ел дәвамында тикшергәннәр.
Нәтиҗәләр күрсәткәнчә, тикшерүдә катнашучыларның 2,3 процентында менопауза иртә (40 яшьтә яки иртәрәк) башланган, ә 55 процентында төрле хроник авырулар барлыкка килгән.
Экспертлар ачыклаганча, климакслар иртә башланган хатын-кызларның 71 процентында 60 яшькә җиткәндә күп санлы хроник авырулар барлыкка килгән. Ә менопаузасы 50-51 яшьтә башланган хатын-кызларның 55 процентында бары тик берәр очрак кына күзәтелгән. Сәламәтлек начарлануга йогынты ясарга мөмкин булган факторларны (мәсәлән симерү) исәпкә алмаганда, иртә башланган климакс бик нык тәэсир итә, хроник авырулар килеп чыгу куркынычын өч тапкырга арттыра.
Төрле генетик аермалыклар менопаузаның иртә башлануына сәбәп булырга мөмкин. Моннан тыш организмның картаю процесслары да эстроген гормоны эшләп чыгаруны киметә. Димәк, бу да патологияләрне кискенләштерә.