Салават Фәтхетдинов Элвин Грей белән дуслашкан
Салават Фәтхетдинов Элвин Грей турында "Татарча алай җырларга ярамый" дигән иде.
Ике җырчының бәхәсе күптән дәвам итә. Салават Фәтхетдинов Элвин Грей турында «Татарча алай җырларга ярамый» дигән иде. Моңа җавап итеп Элвин Грей Салаватны дуэльга чакырды — «Казан Арена» тутырып халык җыярга тәкъдим итте. «Татар җыры» гала-концертыннан соң алар күрешкән.
«Беренче очрашу, беренче кул кысышу, беренче сөйләшү», — дип язган Элвин Грей һәм Салават Фәтхетдинов белән күрешкән фотосын урнаштырган.
Тамашачылар моңа бик шатланган. Дуслашуның нәтиҗәләрен дә көтәләр.
«Дуслашуыгыз әйбәт! Бергә „Уфтанма“ җырласагыз, тагын да әйбәт».
«Салават аңа бармас ул. Ул тере тавышка җырлый».
«Салават барыбер чын күңелдән түгел, еракка карый, күзләренә түгел. Чын күңелдән Радик кына карап тора».
«Нигә Салават ике нота да җырлый алмаган кешегә чын күңелдән карасын?»
«Пиар! Имеш, моңа кадәр сөйләшкәннәре булмаган».
«Бабайга барып җиткән, ниһаять».
«Мин бу бәхәсне аңлый алмадым. Салаватның 30 ел эшчәнлеге вакытында бер концертын гына калдырдым, бала табу йортында идем. Радик иҗаты белән танышкач, аңламыйм — ичек инде белмәгән кеше турында начар әйтеп була? Бөтен кеше дә консерваториядә укымаган. Икесе дә талантлы, күп тыңлаучылары бар һәм ул дипломнан тормый. Радик беркайчан да кешене кимсетмәде, шуның белән яраттырды. Мин бу дуслыкка бик шат!»
«Хәзер дуэт җырлыйлар, аннары Радик Салаватны авторлык хокукларын үзләштерүдә гаепләячәк. Стандарт схема».
«Салават никтер шат түгел, йөзеннән күренеп тора».