Инстачылар Гөлсирин Абдуллинаның кемгә охшаганын ачыклаган
«Әбиең дә бик чибәр икән», дип язалар җырчыга.
Җырчы ире Азат Абитов һәм әбисе белән төшкән фото куйган. «Бу фото күңелемә шундый якын, монда калдырам! Сезгә ошыймы?» — дип язган Гөлсирин.
Инстачылар җырчыларның иманлы, тәрбияле балалар булуын язган.
«Олы кешеләрнең күңелен күреп, хәер-фатихасын алып калу бик кирәк. Ул сезгә бәхет теләп тора»;
«Әбиеңә охшагансың»;
«Әбиегез белән күрешергә, хәлен белергә вакыт табасыз»;
«Әбиең дә бик чибәр икән»,
«Бик тә нурлы әбиегез. Күз тимәсен», дигән комментарийлар калдырганнар.
«Сөбханалла! Әбиегез дә Аллага шөкер, бик матур әле. Сөенече йөзенә чыккан. Якыннары килгән бит, нинди шатлык. Әбикәем, исән-сау гына бул, чирләмә. Оныкларыңның да сабыйларын куреп, аларга карап сөенеп яшәргә язсын. Изге, киң күңелле, мәгънәле булганыгыз өчен рәхмәт. Шундый булып калыгыз. Без сезне яратабыз», дип теләкләр язган берәү.
Әбидән игътибарны кияүгә дә юнәлткәннәр. «Азатның бүреген югалта күрмәгез», дигән бер шаяны.